ଡାବୁଗାଁରେ ଶ୍ରୀ ହନୁମାନ ଜୟନ୍ତୀ ପାଳିତ
ଡାବୁଗାଁ, ୧୪/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ଜୟନ୍ତୀନଗର ସ୍ଥିତ ହନୁମାନ ମନ୍ଦିର ଠାରେ ଶ୍ରୀ ହନୁମାନ ଜୟନ୍ତୀ ସୋମବାର ପାଳିତ ହୋଇଯାଇଛି | ଏଥିରେ ସକାଳୁ ଭକ୍ତ ମାନଙ୍କ ଦ୍ଵାରା ଏକ କଳସୀ ଶୋଭାଯାତ୍ରାରେ ମା ଠାକୁରାଣୀ ମନ୍ଦିରରୁ ପାଣି 
ଅଣାଯାଇଥିଲା | ଏହା ପରେ ଠାକୁରଙ୍କ ରୀତିନୀତି ଅନୁସାରେ ଶ୍ରୀ ହନୁମାନଙ୍କୁ ପୂଜାଅର୍ଚ୍ଚନା କରାଯାଇଥିଲା | ଏଥିରେ କର୍ତ୍ତା ଭାବେ ଅନିଲ କୁମାର ବେହେରା ଓ ଅନିତା ବେହେରା, ହରେକୃଷ୍ଣ ନାୟକ ଓ ରଶ୍ମିତା ନାୟକ, ଦେବରାଜ ପାତ୍ର, ବିପ୍ଳବ ଜେନା, ପୂପୂନ ପଣ୍ଡା ପ୍ରମୁଖ ଦାୟିତ୍ଵ ତୁଲାଇଥିଲେ | ମୁଖ୍ୟ ପୂଜକ ଭାବେ ଚୈତନ୍ୟ ଦାଶ 
ଙ୍କ ସମେତ ସହଯୋଗୀ ପୂଜକ ବ୍ରଜ କିଶୋର ଦାଶ, ଗୋବିନ୍ଦ ଚନ୍ଦ୍ର ପଣ୍ଡା, ବେଣୁଧର ମିଶ୍ର ଓ ପ୍ରଶାନ୍ତ ପାଣିଗ୍ରାହୀ ପ୍ରମୁଖ ସହଯୋଗ କରିଥିଲେ | ମନ୍ଦିର କମିଟି ତରଫରୁ ଭକ୍ତ ଙ୍କ ପାଇଁ ଅନ୍ନ ପ୍ରସାଦ ବଣ୍ଟନ କରଯାଇଥିଲା | ଏଥିରେ ଗ୍ରାମ ଓ ବିଭିନ୍ନ ଗ୍ରାମରୁ ବହୁ ଭକ୍ତଙ୍କ ସମାଗମ ହୋଇଥିଲା |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
