ସୁନ୍ଦରଗଡ଼ ଜିଲ୍ଲା :କୋଇଡ଼ା ଡିଗ୍ରୀ କଲେଜରେ ଶେଷବର୍ଷର କଳା ଓ ବାଣିଜ୍ୟ ବିଭାଗର ଛାତ୍ର ଛାତ୍ରୀ ମାନଙ୍କର ବିଦାୟ ଉତ୍ସବ
କୋଇଡ଼ା – ୧୫/୦୪ -ସୁନ୍ଦରଗଡ଼ ଜିଲ୍ଲା କୋଇଡ଼ା କଲେଜର ଶେଷ ବର୍ଷ ଛାତ୍ର ଛାତ୍ରୀ ମାନଙ୍କର ବିଦାୟକାଳୀନ ଉତ୍ସବ ମହା ସମାରୋହରେ ପାଳନ ହୋଇଯାଇଛି l ଏହି ଉତ୍ସବରେ କଲେଜର ଅଧ୍ୟାପକ ଶ୍ରୀଯୁକ୍ତ ସମ୍ବିତ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ,ଦର୍ଶନ ଶାସ୍ତ୍ର ବିଭାଗର ଅଧ୍ୟାପକ ଶ୍ରୀଯୁକ୍ତ ଶିତିକଣ୍ଠ ଦାସ ମହାପାତ୍ର ସଭାପତିତ୍ୱ କରିଥିଲେ , କୋଇଡ଼ା ଡିଗ୍ରୀ ମହାବିଦ୍ୟାଳୟର ଇତିହାସ ବିଭାଗର ବରିଷ୍ଠ ଅଧ୍ୟାପକ ଶ୍ରୀଯୁକ୍ତ ପ୍ରଦୀପ କୁମାର ପଟନାୟକ ମୁଖ୍ୟ ଵକ୍ତା ଭାବେ ଯୋଗଦେଇଥିଲେ , ଓଡ଼ିଆ ବିଭାଗର ବରିଷ୍ଠା ଅଧ୍ୟାପିକା ଶ୍ରୀମତୀ ଲଷ୍ମୀ ରାୟ,ଅର୍ଥଶାସ୍ତ୍ର ବିଭାଗର ବରିଷ୍ଠ ଅଧ୍ୟାପକ ଶ୍ରୀଯୁକ୍ତ ସଞ୍ଜୟ କୁମାର ଦାସ ବିଦାୟକାଳୀନ ସମ୍ବର୍ଦ୍ଧନା ସଭାର ସଂଯୋଜକ ଥିଲେ ଓ ବାଣିଜ୍ୟ ବିଭାଗର ଅଧ୍ୟାପକ ଶ୍ରୀଯୁକ୍ତ ଭୋଳେଶ୍ୱର ଦେହୁରୀ ପ୍ରମୁଖ ଉପସ୍ଥିତ ରହି ଛାତ୍ର ଛାତ୍ରୀ ମାନଙ୍କର ଉଜ୍ୱଳ ଭବିଷ୍ୟତ କାମନା କରିଥିଲେ l ପୂର୍ବତନ ଛାତ୍ର ଡକ୍ଟର ବାଦଲ ବାରୀକ ଉକ୍ତ ସଭାରେ ଛାତ୍ର ଛାତ୍ରୀ ମାନଙ୍କର ଆଦର୍ଶର ପରିଚାୟକ ଭାବରେ ଯୋଗ ଦେଇଥିଲେ l ଡକ୍ଟର ଶ୍ରୀଯୁକ୍ତ ବାଦଲ କୁମାର ବାରୀକଙ୍କୁକୋଇଡ଼ା ଡିଗ୍ରୀ ମହାବିଦ୍ୟାଳୟର ଅଧକ୍ଷ୍ୟ, ସମସ୍ତ ଅଧ୍ୟାପକ, ଅଧ୍ୟାପିକା ଓ ସମସ୍ତ ଛାତ୍ର ଛାତ୍ରୀ ମାନଙ୍କ ଦ୍ୱାରା ଉତ୍ତରୀୟ ଦିଆଯାଇ ସମ୍ମାନିତ କରାଯାଇଥିଲା l ସେ ତାଙ୍କ ଅଭିଭାଷଣ ମାଧ୍ୟ୍ୟମରେ ଛାତ୍ର ଛାତ୍ରୀ ମାନଙ୍କୁ ସୁନାଗରିକ ହେବାପାଇଁ ପ୍ରେରଣା ମଧ୍ୟ୍ୟ ଦେଇଥିଲେ l ଉକ୍ତ ବିଦାୟୀ ଛାତ୍ର ଛାତ୍ରୀ ମାନଙ୍କ ମଧ୍ୟରୁ କୁମାରୀ ରଶ୍ମିତା ସାଣ୍ଡିଲ(ଖଣ୍ଡାଧାର ପଞ୍ଚାୟତର ସରପଞ୍ଚ )ନିଜେ କିପରି ସଂଘର୍ଷକରି ନିଜ ଗୋଡ଼ରେ ଠିଆ ହୋଇଛନ୍ତି l ତାହା ଛାତ୍ର ଛାତ୍ରୀ ମାନଙ୍କୁ ଉପଦେଶ ମାଧ୍ୟମରେ ଜଣାଇଥିଲେ l ଏହି ବିଦାୟ କାଳୀନ ଉତ୍ସବକୁ ବହୁ ଆଡ଼ମ୍ବର ସହିତ କଲେଜର ଶତାଧିକ ଛାତ୍ର ଛାତ୍ରୀ ଯୋଗ ଦେଇ ବହୁଆଡ଼ମ୍ବର ସହକାରେ ସମ୍ପର୍ଣ୍ଣ କରିଥିଲେ l
କୋଇଡାରୁ ଅକ୍ଷୟ ବିଶ୍ବାଳ ମସିହା ନିଉଜ
