ଓକିଲ ଓ ସାମ୍ବାଦିକଙ୍କ ପ୍ରକୋଷ୍ଠ ଉଦଘାଟିତ
ଖଇରା,୨୭/୪/୨୫ – ବାଲେଶ୍ବର ଜିଲ୍ଲା ଖଇରା ବ୍ଲକ ନରମା ଠାରେ ଓକିଲ ଓ ସାମ୍ବାଦିକ ପ୍ରକୋଷ୍ଠ ଉଦଘାଟିତ ହୋଇଯାଇଛି । ଏହି ଉପଲକ୍ଷେ ଓକିଲ, ସାମ୍ବାଦିକ ଓ ଦୋକାନୀ ଭାଇ ମାନଙ୍କୁ ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଉକ୍ତ ଆଲୋଚନାର ମୁଖ୍ୟ ଉଦ୍ଦେଶ୍ୟ ଥିଲା ଉଚିତ ନ୍ଯାୟ ପାଇବାରୁ ବଞ୍ଚିତ ହେଉଥିବା ଜନସାଧାରଣ ମାନଙ୍କୁ ନ୍ଯାୟ ପ୍ରଦାନ କରିବା । ଏମିତି ଅନେକ ଲୋକ ଅଛନ୍ତି ଯେଉଁମାନେ କି କୌଣସି କାରଣରୁ ସରକାରୀ କାର୍ଯ୍ୟାଳୟରେ ଅବହେଳିତ ହୋଇ ପ୍ରକୃତ ନ୍ଯାୟ ନପାଇ ବିଭିନ୍ନ ଅସୁବିଧାରେ ସମ୍ମୁଖୀନ ହେଉଛନ୍ତି, ଅଶାନ୍ତିରେ କାଳାତିପାତ କରୁଛନ୍ତି । ସେହିଭଳି ଜନସାଧାରଣ ମାନେ କିପରି ଆଇନଗତ ସହାୟତା ପାଇବାରୁ ବଞ୍ଚିତ ନହେବେ ସେଥିପାଇଁ ଉକ୍ତ ପ୍ରକୋଷ୍ଠ ସଦାସର୍ବଦା ଜାଗ୍ରତ ପ୍ରହରୀ ଭଳି କାର୍ଯ୍ୟ କରିବ । ଓକିଲ ଓ ସାମ୍ବାଦିକ ମାନଙ୍କ ଏଭଳି ପ୍ରଚେଷ୍ଟାକୁ ଜନସାଧାରଣ ବହୁ ପ୍ରଶଂସା କରିଛନ୍ତି । ଏଥିରେ ବନମାଳୀ ସେଠୀ, କମଳାକାନ୍ତ ମହାକୁଡ଼, ରାମେଶ୍ୱର ଦାଶ, ମଳୟ କୁମାର ରାଉଳ, ମନୋରଞ୍ଜନ ଶିଅଳ, ମୃତ୍ୟୁଞ୍ଜୟ ମହାପାତ୍ର, ନରେନ୍ଦ୍ର ପ୍ରସାଦ ବେହେରା, ଲକ୍ଷ୍ମୀକାନ୍ତ ରାଉତ, ସୁକାନ୍ତ କୁମାର ନାୟକ, ମୃତ୍ୟୁଞ୍ଜୟ ଓଝା, ବିନୋଦ ବିହାରୀ ନାୟକ, ଅଜୟ କୁମାର ସେନାପତି ଓ ବଳରାମ ବହଳଙ୍କ ସମେତ ଦୋକାନୀ ଭାଇମାନେ ଉପସ୍ଥିତ ଥିଲେ । ଉକ୍ତ ପ୍ରକୋଷ୍ଠ ଖଇରା ଓ ଔପଦା ବ୍ଲକ ସମେତ ବିଭିନ୍ନ ଅଞ୍ଚଳର ଜନସାଧାରଣ ମାନଙ୍କ ସମସ୍ୟା ସମାଧାନ ଦିଗରେ କାର୍ଯ୍ୟ କରିବା ସହିତ ଓକିଲ ସାମ୍ବାଦିକ ମାନଙ୍କ ସହଯୋଗ ନେବା ନିମନ୍ତେ ସମସ୍ତଙ୍କୁ ଅନୁରୋଧ କରିଛି ପ୍ରକୋଷ୍ଠ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
