କୋକସରା,୨୮ା୪- କଳାହାଣ୍ଡି ଜିଲ୍ଲା କୋକସରା ବ୍ଲକ ଦେଇ ଯାଇଥିବା ଜାତୀୟ ରାଜପଥ ନଂ.୨୬ କୋକସରା ତହସିଲ କାର୍ଯ୍ୟାଳୟ ସମ୍ମୁଖ ରାସ୍ତାରେ ସ୍ପିଡ୍ ବ୍ରେକର ନିର୍ମାଣ ପାଇ ଦାବୀ ହୋଇଛି । ବରଗଡ଼ ରୁ ବରିଗୁମ୍ମା କୁ ସଂଯୋଗ କରିଥିବା ୨୬ ନମ୍ବର ଜାତୀୟ ରାଜପଥରେ ପ୍ରତିଦିନ ହଜାର ହଜାର ଯାନ ବାହାନ ଯିବା ଆସିବା କରୁଛି । ଏହି ରାସ୍ତା ସମ୍ମୁଖ ରାସ୍ତାରେ କୋକସରା ବ୍ଲକ କାର୍ଯ୍ୟାଳୟ ତହସିଲ, ବ୍ୟାଙ୍କ, ସ୍କୁଲ, କଲେଜ ସମେତ ଡାକଘର ଆଦି ସଂଯୋଗ ରହିଛି । ପ୍ରତିଦିନ ଛାତ୍ର ଛାତ୍ରୀ ମାନେ ସ୍କୁଲ, କଲେଜ ଓ ବିଭିନ୍ନ କାମ ପାଇଁ ସବୁବେଳେ ଏଠାରେ ଲୋକଙ୍କ ଭିଡ ଲାଗିଥାଏ । ଏହି ରାସ୍ତା ଉପରେ ଭାରି ଯାନ ବାହାନ ଚଳାଚଳ ସହ ଦ୍ରୁତଗତି ଯୋଗୁଁ ବିଗତ ଦିନରେ ଛୋଟ ବଡ ଦୁର୍ଘଟଣା ଘଟିଥିବା ନଜିର ରହିଛି । ଅନ୍ୟପଟେ ସ୍ପିଡ୍ ବ୍ରେକର ନଥିବା କାରଣରୁ ପ୍ରତି ମୁହୁର୍ତ୍ତରେ ଦୁର୍ଘଟଣା ଘଟିବାର ଆଂଶକା ରହିଛି । ତେବେ ଜନ ସାଧାରଣଙ୍କ ସୁରକ୍ଷା ଦୃଷ୍ଟିକୁ ରଖି ଜାତୀୟ ରାଜପଥ ବିଭାଗ କୋକସରା କଲେଜ ଛକ, ତହସିଲ କାର୍ଯ୍ୟାଳୟ ଓ ବ୍ଲକ କାର୍ଯ୍ୟାଳୟ ସମ୍ମୁଖ ରାସ୍ତାରେ ସ୍ପିଡ୍ ବ୍ରେକର ନିର୍ମାଣ କରିବା ପାଇଁ ଜନ ସାଧାରଣରେ ଦାବୀ ହୋଇଛି । ମ ନି ସ