ରଘୁନାଥ ମୁର୍ମୁଙ୍କ ଜୟନ୍ତୀ ଅବସରରେ ସାଂସ୍କୃତିକ କାର୍ଯ୍ୟକ୍ରମ
ମୟୂରଭଞ୍ଜ – ୧୨/୦୫ // ସାନ୍ତାଳୀ ଲିପିର ପ୍ରବର୍ତ୍ତକ ଗୁରୁ ଗୋମକେ ରଘୁନାଥ ମୁର୍ମୁଙ୍କର ଜୟନ୍ତୀ ଅବସରରେ ବିଜାତଳା ବ୍ଲକ ମାଣିକପୁର ଆହାରଟୋଲାଠାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା l ପ୍ରଥମେ ସାନ୍ତାଳୀ ରୀତିନୀତି ଅନୁସାରେ ପୂଜାର୍ଚ୍ଚନା ହୋଇଥିଲା l ପଣ୍ଡିତ ରଘୁନାଥ ମୁର୍ମୁ ୟୁଥ କ୍ଲବର କାର୍ଯ୍ୟକର୍ତ୍ତାମାନେ କାର୍ଯ୍ୟକ୍ରମ ଆୟୋଜନରେ ସକ୍ରିୟ ଅଂଶଗ୍ରହଣ କରିଥିଲେ l ଉକ୍ତ କାର୍ଯ୍ୟକ୍ରମକୁ ପଣ୍ଡିତ ରଘୁନାଥ ମୁର୍ମୁ ୟୁଥ କ୍ଳବର ସଭାପତି ଶଶାଙ୍କ ଶେଖର ବାସ୍କେ, ସମ୍ପାଦକ ଧନେଶ୍ୱର ମୁର୍ମୁ, ଉପସଭାପତି ଜ୍ଞାନେଶ୍ୱର ବାସ୍କେ, ଯୁଗ୍ମ ସମ୍ପାଦକ ରାଜେନ୍ଦ୍ରନାଥ ମାରାଣ୍ଡି ପ୍ରମୁଖ ସକ୍ରିୟ ଅଂଶଗ୍ରହଣ କରିଥିଲେ l ରଘୁନାଥ ମୁର୍ମୁଙ୍କ ଜୟନ୍ତୀ ଉପଲକ୍ଷେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ବିଜାତଳା ବ୍ଲକ ବିଜେଡି ସଭାପତି ମାଝୀଆରାମ ଟୁଡୁ, ମାଣିକପୁର ପଞ୍ଚାୟତ ର ସମିତି ସଭ୍ୟା ରୁପିମଣି ଟୁଡୁ,ଅତିଥି ରୂପେ ଯୋଗ ଦେଇଥିଲେ l
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
