ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀରାମ
ତ୍ରେତୟା ଯୁଗରେ ମାନବ ରୂପରେ
ଧରାପୃଷ୍ଠେ ଅବତୀର୍ଣ୍ଣ
ହେ ପୁରୁଷୋତ୍ତମ କୈ।ଶଲ୍ୟା ନନ୍ଦନ
ଘେନ ଭକ୍ତି ନିବେଦନ ।
ହେ ପରଂବ୍ରହ୍ମ ସ୍ଵୟଂ ନାରାୟଣ
ସଂସାର ତୁମରି ଘର
ଦୁଷ୍ଟ ଦାନବ ର ସଂହାର ପାଇଁ
ଭକ୍ତଙ୍କୁ କର ନିଜର ।
ହେ ପ୍ରଜା ଅନୁରଞ୍ଜନ ଦଶରଥ ନନ୍ଦନ
ମାତା ସୀତାଙ୍କ ଜୀବ ଜୀବନ
ସ୍ବର୍ଣ୍ଣଲଙ୍କା କରି ଧ୍ୱଂସ ରାବଣ ନିହତ
ବିଭୀଷଣଙ୍କୁ କଲ ଲଙ୍କେ ରାଜନ ।
କୁବୁଜାକୁ ତୁମେ କଲ ଧନ୍ୟ
ଶବରୀକୁ ଦେଲ ସ୍ଵର୍ଗାସନ
ପାଷାଣୀ ଅହଲ୍ୟା ପଥେ ପଡ଼ିଥିଲା
ପଦସ୍ପର୍ଶେ ଦେଲ ନବ ଜୀବନ ।
ହେ ନବଘନ ପୁରୁଷୋତ୍ତମ
ଦିଶୁଅଛି କେତେ ଶୋଭାବନ
ଏ କଳି ଯୁଗରେ ଶ୍ରୀକ୍ଷେତ୍ର ଧାମରେ
ଜଗନ୍ନାଥ ରୂପେ ପାଅ ପୂଜନ ।
ଶ୍ରୀନିବାସ ପଣ୍ଡା
ଗଞ୍ଜାମ
