ଅବକାରୀ ବିଭାଗକୁ ମିଳିଲା ବଡ଼ ସଫଳତା
ଖଇରା,୨୯/୫/୨୫ – ବାଲେଶ୍ଵର ଜିଲ୍ଲା ଖଇରା ଅବକାରୀ ଥାନା ଅଧିକାରୀ ଏବଂ ନିଳଗିରି ସବ୍ ଇନ୍ସପେକ୍ଟରଙ୍କ ତତ୍ବାବଧାନରେ ରାଣିତାଲ – କୁପାରୀ ରାସ୍ତାର ଧୋବାଗଡିଆ ଛକ ନିକଟରେ ଦେଶୀ ମଦ ଭର୍ତ୍ତି ମହେନ୍ଦ୍ରା ବୋଲେରୋ ଜବତ କରାଯାଇଛି । ପିଆର କେସ୍ ନଂ ୫୪/୨୫-୨୬ ରିଖ ଅନୁସାରେ ତା ୨୮/୫/୨୫ ରିଖ ପୂର୍ବାହ୍ନ ୧୧ ଟା ସମୟରେ ଧୋବାଗଡିଆ ଛକ ନିକଟରେ ମହେନ୍ଦ୍ରା ବୋଲେରୋ ଏବଂ ୯ ଶହ ଲିଟର ଦେଶୀ ମଦ ଅଖା ବସ୍ତାରେ ଭର୍ତ୍ତି କରି ଗ୍ରାମାଞ୍ଚଳରେ ଚୋରାରେ ବିକ୍ରି କରୁଥିବା ବେପାରୀଙ୍କୁ ଦେବାପାଇଁ ଯାଉଥିଲା ବେଳେ ଅବକାରୀ ଥାନା ଅଧିକାରୀ ସୁରଜ୍ କୁମାର ଦିଘା, ନିଳଗିରି ଅବକାରୀ ଥାନା ସବ୍ ଇନ୍ସପେକ୍ଟର କେଶବ ଚରଣ ଦାସ ଓ ଅବକାରୀ କର୍ମଚାରୀ ମାନଙ୍କ ଦ୍ବାରା ଧରା ହୋଇ ଗତକାଲି ଅପରାହ୍ନରେ କୋର୍ଟ ଚାଲାଣ କରାଯାଇଛି, ଏହି କାର୍ଯ୍ୟକ୍ରମ ପାଇଁ ଜନସାଧାରଣ ବିଭାଗର ଅଧିକାରୀ ମାନଙ୍କୁ ଧନ୍ୟବାଦ ସହ ପ୍ରଶଂସା କରିଛନ୍ତି । ବୁଦ୍ଧିଜିବୀ ମାନେ କହିଛନ୍ତି ଅବକାରୀ ବିଭାଗ ତରଫରୁ ବିଭିନ୍ନ ସ୍ଥାନରେ ଥିବା ପାନ ଦୋକାନ ଓ ହୋଟେଲ ମାନଙ୍କ ଉପରେ ଚଢାଉ ଜାରି ରହିଲେ ଚୋରାରେ ଦେଶୀ ଓ ବିଦେଶୀ ମଦ ବିକ୍ରି କରୁଥିବା ଅସାମାଜିକ ବ୍ୟକ୍ତିମାନଙ୍କୁ ଧରି କୋର୍ଟ ଚାଲାଣ କଲେ ଚୋରା ମଦ ବିକ୍ରେତା ସଜାଗ ହେବେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
