ଚନ୍ଦାହାଣ୍ଡି(ମନି ସ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ବୋରିଗୁଡା ଗ୍ରାମ ର ନବ ବିବାହିତା ବହୁ ସାଇରା ବାନୋ (୨୨) ବୁଧବାର ରାତିରେ କୁଆଡେ ଘରୁ ଚାଲି ଯାଇଥିବା ନେଇ ତାଙ୍କ ସ୍ୱାମୀ ଚନ୍ଦାହାଣ୍ଡି ଥାନାରେ ଏତଲା ଦେଇଛନ୍ତି ।ଏ ନେଇ ଚନ୍ଦାହାଣ୍ଡି ଥାନା ଅଧିକାରୀ ଉମେଶ ଚନ୍ଦ୍ର ନାୟକ ସୂଚନା ଦେଇଛନ୍ତି । ଏତଲା କୁ ଭିତ୍ତି କରି ଚନ୍ଦାହାଣ୍ଡି ଥାନା ମିସିଙ୍ଗ କେସ ନଂ 6/23 ନୁସାରେ ଏକ ନିଖୋଜ ମାମଲା ରୁଜ୍ଜୁ କରି ତଦନ୍ତ ଭାର ଏଏସ ଆଇ ବସନ୍ତ କୁମାର ସ୍ୱାଇଁ ଙ୍କୁ ହସ୍ତାନ୍ତର କରିଛନ୍ତି ।
ପୁଲିସ ସୂତ୍ର ଅନୁସାରେ ବୋରିଗୁଡା ଗ୍ରାମର ଶେଖ ଫାରୁକ ଗତ ଡିସେମ୍ବର ମାସରେ ଛତିଶଗଡ଼ ଗରିୟାବନ୍ଦ ଜିଲ୍ଲା କୁସୁମଖୁଣ୍ଟା ଗ୍ରାମର ଅନବର ଖାନ ଙ୍କ ଝିଅ ସାଇରା ବାନୋ କୁ ବିବାହ କରିଥିଲେ l ଫାରୁଖ ନିଜର ନବବିବାହିତା ସ୍ତ୍ରୀ ଙ୍କ ସହ ବେଶ ହସଖୁସିରେ ରହୁଥିଲେ l ସବୁଦିନ ପରି ଗତ ବୁଧବାର ଦିନ ଖାଇ ପିଇ ସ୍ୱାମୀ ସ୍ତ୍ରୀ ସାଙ୍ଗ ରେ ଶୋଇ ଥିଲେ l ସକାଳେ ଉଠିକି ଫାରୁଖ୍ ତାଙ୍କ ସ୍ତ୍ରୀ ସାଇରା ବାନୋ କୁ ଘରେ ନପାଇ ସେ ବିଭିନ୍ନ ସ୍ଥାନ ରେ ଖୋଜା ଖୋଜି କରିବା ସହ ସାଇରା ବାନୋ ଙ୍କ ବାପଘର ସମେତ , ତାଙ୍କ ସମର୍କୀୟ ଙ୍କ ସହ ଯୋଗାଯୋଗ କରିଥିଲେ l ସେଠାରେ ମଧ୍ୟ ତାଙ୍କର କୌଣସି ଖବର ନ ମିଳିବାରୁ ,ସେ ତାଙ୍କ ସମର୍କୀୟ ମାନଙ୍କ ସହ ଚନ୍ଦାହାଣ୍ଡି ଥାନା ରେ ଏକ ଲିଖିତ ଅଭିଯୋଗ ଦେଇଥିଲେ l ସାଇରା ବାନୋ କାହା ସହ ପ୍ରେମ ସମ୍ପର୍କ ରଖି ଘରୁ ଚାଲି ଯାଇଥିବା ନେଇ ପରିବାର ଲୋକେ ସନ୍ଦେହ କରୁଛନ୍ତି । ଅନ୍ୟପଟେ ଘରୁ ଟଙ୍କା ଏବଂ ସୁନାଗହଣା ସାଙ୍ଗରେ ନେଇକି ଯାଇଥିବା ନେଇ ଫାରୁଖ ପ୍ରକାଶ କରିଛନ୍ତି
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
