କାଜୁ ବଗିଚାକୁ ନେଇ ଗଣ୍ଡଗୋଳ, ୫ ଗିରଫ
ଡାବୁଗାଁ, ୧୧/୬ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ପାତିଆ ଗ୍ରାମରେ ୧୬ ଏକର କାଜୁ ବଗିଚାକୁ ନେଇ ଗଣ୍ଡଗୋଳ ନେଇ ମଙ୍ଗଳବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ :- ସୋମବାର ରାତିରେ ପାତିଆ ଗ୍ରାମରେ ଥିବା ୧୬ ଏକର କାଜୁ ବଗିଚାକୁ ନେଇ ପାତିଆ ଗ୍ରାମର ୨ ଗୋଷ୍ଠୀ ଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା | ଏଥିରେ ଗ୍ରାମର ଗଣପତି ଭତ୍ରା, ଉତୁ ଭତ୍ରା, ଉଗ୍ରସେନ ଭତ୍ରା ଙ୍କୁ ବିପକ୍ଷ ଗୋଷ୍ଠୀ ଆକ୍ରମଣ କରିଥିଲେ | ଯାହା ଦ୍ଵାରା ୩ ଜଣ ଆହତ ହୋଇ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିଲେ | ଏନେଇ ଆହତ ମାନଙ୍କ ଗୋଷ୍ଠୀର ଜୟରାମ ଭତ୍ରା ମଙ୍ଗଳବାର ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା ସବଇନିସ୍ପେକ୍ଟର ବିକ୍ରମ କିଶୋର ସାହୁ ତଦନ୍ତ କରି ବୁଧବାର ୫ ଜଣଙ୍କୁ ଗିରଫ କରିଥିଲେ | ସେମାନେ ହେଲେ ପାତିଆ ଗ୍ରାମର ଚଇତୁ ମାଝି, ସନୁ ମାଝି, ବଳଭଦ୍ର ମାଝି ଓ ଘନଶ୍ୟାମ ମାଝି, ରାବଣାଗୁଡା ମଧୁ ସିଂ ମାଝି | ସମସ୍ତଙ୍କୁ ଆଜି ଅପରାହ୍ନରେ କୋର୍ଟ ଚାଲାଣ କରାଯାଇଛି | ଏନେଇ ଥାନା କେସ ନଂ ୧୨୫/୨୫ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
