ଅନଲାଇନରେ ଶିଶୁକୁ କରାଯାଉଥିବା ଯୌନ ଶୋଷଣ ଓ ଦୁର୍ବ୍ୟବହାର ସୁରକ୍ଷା ସମ୍ପର୍କ ରେ ଆଇନଗତ ପ୍ରଶିକ୍ଷଣ କାର୍ଯକ୍ରମ ଅନୁଷ୍ଠିତ
କେନ୍ଦ୍ରାପଡା , ତା୦୬.୦୬. ୨୦୨୫:— ଜିଲ୍ଲା ଶିଶୁ ସୁରକ୍ଷା ବିଭାଗ ଓ ଚାଇଲଡ ଫଣ୍ଡ ଇଣ୍ଡିଆର ମିଳିତ ଆନୁକୂଲ୍ୟରେ ଜିଲ୍ଲା ପରିଷଦ ସଭା ଗୃହରେ ଶିଶୁ ସୁରକ୍ଷା ଉପରେ ଅନଲାଇନରେ ଶିଶୁକୁ କରାଯାଉଥିବା ଯୌନ ଶୋଷଣ ଓ ଦୁର୍ବ୍ୟବହାର ସମ୍ପର୍କରେ ଆଇନ ଗତ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଅଛି I ଉକ୍ତ କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ଜିଲ୍ଲା ପରିଷଦର ସଭାପତି ସୁଶ୍ରୀ ଲିଳିତା ଦାସ ଓ ଅତିରିକ୍ତ ଜିଲ୍ଲାପାଳ ଶ୍ରୀ ରବୀନ୍ଦ୍ର କୁମାର ମଲ୍ଲିକ ସମ୍ମାନୀୟ ଅତିଥି ଭାବେ ଯୋଗ ଦେଇ ସଚେତନ ରଥର ଉଦଘାଟନ କରିଥିଲେ I ଏହା ପରେ ସଚେତନତା ରଥ ସହର ପରିକ୍ରମା କରିଥିଲI I ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀ ବିଜୟ କେତନ ସାହୁ ଜିଲ୍ଲା ପରିଷଦ ସମିଳନୀ କକ୍ଷରେ 
ଆୟୋଜିତ ବୈଠକକୁ ପରିଚାଳନା କରିଥିଲେI ଏହି କାର୍ଯ୍ୟକ୍ରମରେ ଶିଶୁମାନଙ୍କର ସାମ୍ପ୍ରତିକ ସ୍ଥିତି ଓ ପରିସ୍ଥିତି ଏବଂ ସେମାନଙ୍କ ଭବିଷ୍ୟତ କିଭଳି ଉଜ୍ଜଳମୟ ହୋଇପାରିବ ସେ ସମ୍ପର୍କରେ ଅତିଥି ମାନେ ମତ ବ୍ୟକ୍ତ କରିଥିଲେ I ଜିଲ୍ଲାରେ ସମସ୍ତ ଶିଶୁ ସୁରକ୍ଷିତ ରହି ତାଙ୍କର ଭବିଷ୍ୟତ ଗଠନ କରିବେ ତା ଉପରେ ସମସ୍ତ ବିଭାଗର ଅଧିକାରୀମାନେ ଯତ୍ନଶୀଳ ହେବI ଉଚିତ I ବାଲ୍ୟ ବିବାହ ନିରାକରଣ, ନାରୀ ନିର୍ଯାତନା, ଶିଶୁ ଯୌନ ଶୋଷଣ ଓ ଦୁର୍ବ୍ୟବହାର ସମ୍ପର୍କରେ ଥିବା ଆଇନ ଗତ ନିୟମାବଳୀ ସମ୍ପର୍କରେ ଡାକ୍ତର ବେଣୁଧର ସେନାପତି ସଂସାଧନ ଅଧିକାରୀଭାବେ ଯୋଗ ଦେଇ ଆଲୋଚନା କରିବା ସହ ସଦସ୍ୟମାନଙ୍କର ବିଭିନ୍ନ ସମସ୍ୟା ଗତ ପ୍ରଶ୍ନଗୁଡିକର ଉତର ରଖିଥିଲେ I ଶିଶୁ ଆଶା, ସରଳତା ଓ ଭବିଷ୍ୟତର ପ୍ରତିନିଧିତ୍ୱ କରନ୍ତି I ସେମାନଙ୍କ ସ୍ୱପ୍ନ , ଜିଜ୍ଞାସା ଏବଂ ସେମାନଙ୍କ ମଧ୍ୟରେ ଥିବା ସମ୍ଭାବନା ଆମକୁ ଏକ ଉତ୍ତମ ବିଶ୍ୱ ଗଠନ କରିବାପାଇଁ ପ୍ରେରଣା ଦିଏ I ଡିଜିଟାଲ ଦୁନିଆରେ ଇଣ୍ଟେର୍ନେଟ ର ବିକଶିତ ଉପଲବ୍ଧତା ଏବଂ ସଚେତନତା ଓ ସୁରକ୍ଷାତ୍ମକ ଉପାୟର ଅଭାବ ଯୋଗୁଁ ଶିଶୁମାନେ ଅନଲାଇନର ଶୋଷକ ମାନଙ୍କଦ୍ୱାରା ବିପଦ ଗ୍ରସ୍ତ ହୋଇଥାନ୍ତି I ଶିଶୁ ସହିତ ହେଉଥିବା ଅନଲାଇନ ଅପରାଧ ଓ ଯୌନ ଶୋଷଣ କୁ ମୁକ୍ତ କରିବାରେ ଆଇନଗତ ଧାରା ସମ୍ପର୍କରେ ଯୋଗ ଦେଇଥିବା ପୋଲିସ ଓ ସ୍ଵେଛାସେବି ସଂଗଠନ କର୍ମକର୍ତାମାନେ ପ୍ରଶିକ୍ଷଣ ନେଇଥିଲେ I ଏହି ଅବସରରେ ହେଡ କ୍ୱାର୍ଟଏର କନ୍ଷ୍ଟେବଳ ପ୍ରଦୀପ କୁମାର ନାୟକ ଓ ନିକିରାଇ ଆଇ ଆଇ ସି ଶ୍ରୀମତୀ ପଦ୍ମାଳୟା ପ୍ରଧାନଙ୍କୁ ଶିଶୁମିତ୍ର ପୋଲିସ ଅଧିକାରୀ ଭାବେ ସମ୍ବର୍ଦ୍ଧିତ କରାଯାଇଥିଲା I ଜିଲ୍ଲା ଶିଶୁ ମଙ୍ଗଳ କମିଟିର ଅଧକ୍ଷା ଶ୍ରୀମତୀ ସ୍ଵାଗତିକା ପାତ୍ର, ଜିଲ୍ଲା ମଙ୍ଗଳ ଅଧିକାରୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଓ ଚାଇଲଡ ଫଣ୍ଡ ଇଣ୍ଡିଆର କର୍ମ କର୍ତ୍ତା ଉପସ୍ଥିତ ଥିଲେ I କାର୍ଯ୍ୟକ୍ରମର ମୁଖ୍ୟ ଆକର୍ଷଣ ରାଜ୍ୟର ଜଣାଶୁଣା ଶିଶୁ ସୁରକ୍ଷା ସକ୍ରିୟ କର୍ମକର୍ତା ବେଣୁଧର ସେନାପତି DCPU, CWC, JJB, CHL, WHL, SJPU, ଶିକ୍ଷକ, ପୋଲିସ ଅଧିକାରୀମାନଙ୍କୁ SLIDE ମାଧ୍ୟ୍ୟମରେ ପ୍ରଶିକ୍ଷଣ ପ୍ରଦାନ କରିଥିଲେ I ସଂସାଧନ ଅଧିକାରୀ ଭାବେ ମଧ୍ୟ ବରିଷ୍ଠ ଆଇନ ଜୀବି ଭୀମସେନ ଭୁଆଁ ଓ ଚାଇଲଡ଼ ଫଣ୍ଡ ଇଣ୍ଡିଆର ଇସ୍ରାଏଲ ନନ୍ଦ ଯୋଗ ଦେଇ ପ୍ରଶିକ୍ଷଣ ପ୍ରଦାନ କରିଥିଲେ |
କେନ୍ଦ୍ରାପଡ଼ା ରୁ ଜିଲ୍ଲା ପ୍ରତିନିଧି ସମୀର କୁମାର ପ୍ରଧାନ ଙ୍କ ରିପୋର୍ଟ ମସିହା ନିୟୁଜ
