ସୋସିଆଲ ମିଡ଼ିଆରେ ସାମ୍ବାଦିକଙ୍କୁ ଆକ୍ଷେପ ଥାନାରେ ଏତଲା
ନବରଙ୍ଗପୁର:(୧୮|୬)(ରବିନାରାୟଣମହାନ୍ତି)ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସାମ୍ବାଦିକ ମାନଙ୍କୁ ସୋସିଆଲ ମିଡ଼ିଆରେ ଆପତ୍ତି ଜନକ ପୋଷ୍ଟକୁ ନେଇ ଥାନାରେ ଏତଲା | ମଇଦଲପୁର ଥାନା ନୀଳାଦ୍ରିଗୁଡା ଅଞ୍ଚଳର ମହେଶ୍ୱର ହରିଜନ ନିଜ ଫେସ ବୁକରେ ସାମ୍ବାଦିକ ମାନଙ୍କୁ ଗତ ମଙ୍ଗଳବାର ପୋଷ୍ଟ କରିଥିଲେ | ଶସ୍ତା ସାମ୍ବାଦିକ, ଲୋଭା ଶକ୍ତ, କିଣା ସାମ୍ବାଦିକ ନେଇ ପୋଷ୍ଟ କରିଥିଲେ | ଉକ୍ତ ଘଟଣାକୁ ନିନ୍ଦା କରି ପାପଡାହାଣ୍ଡି ବ୍ଲକ ସାମ୍ବାଦିକ ସଂଘ ଆଜି ଥାନାରେ ଏତଲା ଦେଇଛନ୍ତି | ସଭାପତି ଏନ ଜନାର୍ଦ୍ଦନ ରାଓଙ୍କ ନେତୃତ୍ୱରେ ଆଇଆଇସି ଦୀପକ କୁମାର ଜେନାଙ୍କୁ ଏତଲା ପ୍ରଦାନ କରାଯିବା ସହ ଦୃଢ଼ 
କାର୍ଯ୍ୟାନୁଷ୍ଠାନ ଦାବି କରାଯାଇଛି । ସୂଚନା ଥାଉକି ଚଳିତ ମାସ ୧୬ ତାରିଖରେ ଲ୍ୟାମ୍ପର ଦୁର୍ନୀତି ହୋଇଛି ବୋଲି ଡ଼ାଇରେକ୍ଟର ମହେଶ୍ୱର ଏକ ସାମ୍ବାଦିକ ସମ୍ମିଳନୀ ଆୟୋଜନ କରିଥିଲେ । ଲ୍ୟାମ୍ପର ଏମଡି ଙ୍କ ବିରୋଦ୍ଧରେ ଓ ଲ୍ୟାମ୍ପ କର୍ମଚାରୀ ଙ୍କ କାର୍ଯ୍ୟ କଳାପ ଉପରେ ସେ ନିନ୍ଦା କରି ସମ୍ମିଳନୀରେ କହିଥିଲେ । ଏଥିରେ ଅନେକ ସାମ୍ବାଦିକ ଯୋଗଦେଇଥିଲେ । କିନ୍ତୁ ସେ ଯାହା ଅଭିଯୋଗ କରିଥିଲେ ସାମ୍ବାଦିକ ସମ୍ମିଳନୀରେ ତାହାର କୌଣସି ପ୍ରମାଣ କିମ୍ବା ତଥ୍ୟ ପ୍ରଦାନ କରି ନ ଥିଲେ । ଫଳରେ ସାମ୍ବାଦିକ ମାନେ ଖବର ପ୍ରସାରଣ କରି ନ ଥିଲେ । ଏଥିରେ ନିଜେ ଲଜ୍ଜିତ ହୋଇ ଫେସବୁକ ଏକାଉଣ୍ଟରେ ସାମ୍ବାଦିକ ମାନଙ୍କ ପ୍ରତି ଅପମାନ ସୂଚକ ବାକ୍ୟ ପ୍ରୟୋଗ କରି ଲେଖିଛନ୍ତି । ଯାହାକି ସାମ୍ବାଦିକ ଙ୍କ ପ୍ରତି ଅପମାନ ହୋଇଛି । ଏହାକୁ ନିନ୍ଦା କରି ପାପଡାହାଣ୍ଡି ବ୍ଲକ ସାମ୍ବାଦିକ ସଙ୍ଘ ସଭାପତିଙ୍କ ନେତୃତ୍ୱରେ ସାମ୍ବାଦିକଙ୍କ ପ୍ରତି କଟାକ୍ଷ ଦେଇଥିବା ମହେଶ୍ୱରଙ୍କୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଥାନାରେ ଏକ ଲିଖିତ ଆଭିଯୋଗ ଦିଆଯାଇଛି । ଏଥିରେ ବ୍ଲକର ସମସ୍ତ ସାମ୍ବାଦିକ ଉପସ୍ଥିତ ରହିଥିଲେ ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
