କୋକସରା,୧/୫ -ଶୁକ୍ରବାର ବିଳମ୍ବିତ ରାତିରେ ଦୁଇଟି ବାଇକ ରେ ୪ ଜଣ ଯୁବକ ବିଦେଶୀ ମଦ ନେଇ ଚାଲାଣ କରୁଥିବା ବେଳେ କୌଣସି ସୂତ୍ରରୁ ଖବର ପାଇ କୋକସରା ପୋଲିସ ଜାତୀୟ ରାଜପଥ ୨୬ ଚିଲିଗୁଡା ପେଟ୍ରୋଲ ପମ୍ପ ନିକଟରେ କାବୁ କରିବାକୁ ଚେଷ୍ଟା କରିଥିବା ବେଳେ ୨ ଜଣ ଯୁବକ ସହ ଏକ ବାଇକ ନମ୍ବର ଓଡ଼ି.୦୮.ଏନ.୦୯୮୮ ଜବତ କରିଥିବା ବେଳେ ଅନ୍ୟ ଏକ ବାଇକ ସହ ଦୁଇ ଯୁବକ ଚମ୍ପଟ ମାରିଥିବା ଜଣାପଡିଛି। ଜବତ ଗାଡି ରୁ ୭ ଲିଟର ୮୦୦ ମିଲି ବିଦେଶୀ ମଦ ଜବତ ହୋଇଛି। କୋକସରା ପୋଲିସ ୨ ଯୁବକ ଙ୍କୁ ଗିରଫ କରି ପରେ ଥାନା ବେଳ ବଣ୍ଡ ରେ ଛାଡି ଦେଇଥିବା ସୂଚନା ମିଳିଛି। ସୂଚନାମତେ କଲମପୁର ବ୍ଲକ ମଣ୍ଡଳ ଠାରେ ଥିବା ବିଦେଶୀ ମଦ ଦୋକାନ ରୁ କୋକସରା ଅଞ୍ଚଳ ର ଏକ ଢ଼ାବା କୁ ବିଦେଶୀ ମଦ ଚାଲାଣ କରୁଥିବା ବେଳେ ପୋଲିସ ହାବୁଡ଼ ରେ ଦୁଇ ଯୁବକ ବିଦେଶୀ ମଦ ସହ ଧରା ପଡିଥିଲେ। ଗିରଫ ଦୁଇଜଣ ଅଭିଯୁକ୍ତ ହେଉଛନ୍ତି ବିହାର ଓ ଝାଡ଼ଖଣ୍ଡ ରାଜ୍ୟର ଚନ୍ଦନ କୁମାର ଗୁପ୍ତା (୩୦) ଓ ଓମ ପ୍ରକାଶ ଗୁପ୍ତା (୪୭) । ସେମାନେ ମଣ୍ଡଳ ବିଦେଶୀ ମଦ ଦୋକାନ ର କର୍ମଚାରୀ ବୋଳି ଜଣାପଡିଛି। ତେବେ ନିର୍ଦ୍ଧିଷ୍ଟ କେଉଁ ଢ଼ାବା କୁ ବିଦେଶୀ ମଦ ଚାଲାଣ କରୁଥିଲେ ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। କୋକସରା ପୋଲିସ ଏ ନେଇ ଓଡିଶା ଅବକାରୀ ନିୟମ(୫୨)ଏ ୨୦୦୮ଧାରା ରେ ଏକ ମାମଲା ୯୬/୨୨ ରୁଜୁ କରି ଦୁଇ ଅଭିଯୁକ୍ତ ଙ୍କୁ ଥାନା ବେଳବଣ୍ଡ ଜାମିନ ରେ ଛଡା ଯାଇଥିବା ନେଇ ତଦନ୍ତକାରୀ ପୋଲିସ ଅଧିକାରୀ ଗୋପବନ୍ଧୁ ନାଏକ ସୂଚନା ଦେଇଛନ୍ତି। ମ ନି ସ