ଅନ୍ତରାରେ ବିଧାୟକ ପଦ୍ମଲୋଚନ ପଣ୍ଡାଙ୍କ ସାମ୍ବାଦିକ ସମ୍ମିଳନୀ
ଖଇରା,୧୫/୮/୨୫- ବାଲେଶ୍ଵର ଜିଲ୍ଲା ଖଇରା ବ୍ଲକ ଅନ୍ତରା ନାବାଳିକା ଦୁଷ୍କର୍ମ ଘଟଣାକୁ ନେଇ ସିମୁଳିଆ ନିର୍ବାଚନ ମଣ୍ଡଳୀର ବିଧାୟକ ପଦ୍ମଲୋଚନ ପଣ୍ଡାଙ୍କ ସାମ୍ବାଦିକ ସମ୍ମିଳନୀ । ଚେୟାରମ୍ୟାନ ଅଭିଲିପ୍ସା ସାହୁ, ପୀଡ଼ିତାଙ୍କ ମାଆ ଏବଂ ଦଳୀୟ କର୍ମୀ ମଞ୍ଚାସୀନ ଥିଲେ । ଦୁଷ୍କର୍ମ ଖବର ଶୁଣି ପ୍ରଥମେ ମର୍ମାହତ ହୋଇପଡିଲି । ପରଦିନ ସକାଳେ ଭଦ୍ରକ ମେଡିକାଲରେ ପହଞ୍ଚି ଚିକିତ୍ସା ନିମନ୍ତେ ସମସ୍ତ ବ୍ଯବସ୍ଥା କଲି, ସେ ଝିଅଟି ମୋ ଝିଅ ପରି ।ଯେତେ ଟଙ୍କା ଲାଗିବ ଲାଗୁ ପଛେ ଭଲ କରି ଘରକୁ ଫେରେଇ ଆଣିବି । ବିବାହ ପର୍ଯ୍ୟନ୍ତ ସମସ୍ତ ଦାୟିତ୍ୱ ନେବି । ତା ମାଆକୁ ଆବାସ ଯୋଜନା ଗୃହ ପ୍ରଦାନ ସହିତ ପରିବାର ସମସ୍ତ ଖର୍ଚ୍ଚ ବହନ କରିବି । ଯେଉଁମାନେ ଅପପ୍ରଚାର କରି ବିଜେପି ଦଳକୁ ବଦନାମ କରିବାକୁ ଚେଷ୍ଟା କରୁଛନ୍ତି ସେମାନଙ୍କୁ କଦାପି ଛଡ଼ା ଯିବନି । ଡବଲ ଇଞ୍ଜିନ ସରକାର ଲୋକଙ୍କ ସରକାର । ଲୋକମାନେ କିପରି ଶାନ୍ତି ଶୃଙ୍ଖଳାରେ ରହିବେ ସେ ଦାୟିତ୍ୱ ମୋର । ପୀଡ଼ିତାକୁ ନେଇ ବଣୁଆ, ଛାମୁଆ ଓ କୁଚକ୍ରୀ ଗୋଷ୍ଠୀ ମାନେ ଯେଉଁ ହୀନ ରାଜନୀତି କରୁଛନ୍ତି ସେମାନଙ୍କ ଚକ୍ରାନ୍ତକୁ ସଫଳ ହେବାକୁ ଦେବି ନାହିଁ । ପୂର୍ବତନ ବିଧାୟକ ସମୟରେ ଏଇଭଳି କେତେ ଘଟଣା ଘଟିଛି ସେତେବେଳେ ଯାଇଥିଲ କୁଆଡେ । ବର୍ତ୍ତମାନ ହୀନ ରାଜନୀତି କରୁଛ । ଅନ୍ୟ ଦଳକୁ ବିଧାୟକଙ୍କର ପ୍ରଶ୍ନ ଥିଲା ବଳାତ୍କାରୀ ଜଣଙ୍କ କେଉଁ ଦଳର ? ଏମିତି ଅନେକ କଥା କହି ହୀନ ରାଜନୀତି କରୁଥିବା ଅନ୍ୟ ଦଳକୁ କଟୁ ସମାଲୋଚନା କରିଥିଲେ ବିଧାୟକ । ଯଦି ଭଦ୍ରକରେ ପୀଡ଼ିତା ଜଣକ ଭଲ ନ ହୁଏ ଆବଶ୍ୟକ ପଡିଲେ ବାହାର ରାଜ୍ୟକୁ ନେଇ ଭଲ କରି ଘରକୁ ଫେରେଇ ଆଣିବି । ମୁଁ କାମରେ ବିଶ୍ୱାସ କରେ କଥାରେ ନୁହେଁ । ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା ହେଉ କି ପୂର୍ବତନ ବିଧାୟକ ଜ୍ଯୋତି ପ୍ରକାଶ ପାଣିଗ୍ରାହୀ କିମ୍ବା ଅନ୍ୟ କେହି ହେଉ, କାହାରି ହୀନ ଚକ୍ରାନ୍ତକୁ ପଦ୍ମଲୋଚନ ପଣ୍ଡା ବରଦାସ୍ତ କରିବ ନାହିଁ ବୋଲି ବକ୍ତବ୍ୟରେ କହିଥିଲେ । ପୀଡ଼ିତାଙ୍କ ମାଆ ମଞ୍ଚରେ ବସିଥିଲେ ମଧ୍ୟ ଗଣମାଧ୍ୟମ ସାମ୍ନାରେ ସେଭଳି କିଛି ବକ୍ତବ୍ୟ ରଖିପାରି ନଥିଲେ । ଅଧ୍ଯକ୍ଷା ଶ୍ରୀମତୀ ସାହୁଙ୍କ ବକ୍ତବ୍ୟ ଅତ୍ୟନ୍ତ ଦୁଃଖପୂର୍ଣ୍ଣ ଥିଲା । ଏଥିରେ ଇଲେକ୍ଟ୍ରୋନିକ ଓ ପ୍ରଣ୍ଟି ମିଡିଆ ପ୍ରତିନିଧି ମାନେ ଉପସ୍ଥିତ ଥିଲେ ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
