ଖଇରା ମହାବିଦ୍ୟାଳୟର ପ୍ରତିଷ୍ଠା ଦିବସ ପାଳନ ଓ ସମ୍ୱର୍ଦ୍ଧନା ପର୍ବ
ଖଇରା,୧୭/୮/୨୫- ବାଲେଶ୍ୱର ଜିଲ୍ଳା ଖଇରା ବ୍ଲକ ଖଇରା ମହାବିଦ୍ୟାଳୟର ୪୬ତମ ପ୍ରତିଷ୍ଠା ଦିବସ ଏବଂ ଓଡିଆ ବିଭାଗ ସାହିତ୍ୟ ସଂସଦର ସମ୍ୱର୍ଦ୍ଧନା ପର୍ବ ମହାସମାରୋହରେ ପାଳିତ ହୋଇଯାଇଛି । ଏହି ଉତ୍ସବକୁ ସିମୁଳିଆ ବିଧାୟକ ତଥା ପ୍ରାକ୍ତନ ମନ୍ତ୍ରୀ ପଦ୍ମଲୋଚନ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଆୟୋଜିତ ଏହି ସମ୍ୱର୍ଦ୍ଧନା ସଭାରେ ପୌରହିତ୍ୟ କରିଥିଲେ ଅଧ୍ୟକ୍ଷ ଲକ୍ଷ୍ମୀଧର ନାୟକ । ଅନ୍ୟତମ ଅତିଥି ଭାବେ ବ୍ଲକ ଅଧକ୍ଷା ଅଭିଲିପ୍ସା ସାହୁ, ବରେଣ୍ୟ ଅତିଥି ଭାବେ ପୂର୍ବତନ ଅଧକ୍ଷ ମୁକ୍ତିକାନ୍ତ ପାଣିଗ୍ରାହୀ, ସ୍ଵାଗତ ଭାଷଣ ଦେଇଥିଲେ ଅଧକ୍ଷ ଡକ୍ଟର ଲକ୍ଷ୍ମୀଧର ନାୟକ, ମହାବିଦ୍ୟାଳୟର ଛାତ୍ରଛାତ୍ରୀ ମାନେ ସ୍ଵାଗତ ସଙ୍ଗୀତ ଗାନ କରିଥିଲେ । ବାର୍ଷିକ ମୁଖପତ୍ର ଅତିଥି ମାନଙ୍କ ଦ୍ୱାରା ଲୋକାର୍ପଣ କରାଯାଇଥିଲା । ସମ୍ପାଦକ ଡକ୍ଟର ଅନାଡ଼ିଚରଣ ରାଉତ ପତ୍ରିକା ପ୍ରକାଶନରେ କେତେ ବାଧାବିଘ୍ନରେ ସମ୍ମୁଖୀନ ହେବାକୁ ପଡ଼ିଥାଏ ତାହା ଦର୍ଶାଇ ଥିଲେ ।ପୂଜ୍ୟପୂଜାର ସଂଯୋଜନା କରିଥିଲେ ପ୍ରଧ୍ୟାପିକା ଜ୍ଯୋତ୍ସ୍ନାରାଣୀ ପଣ୍ଡା । ଡକ୍ଟର ଶରତ ଚନ୍ଦ୍ର ମହାନ୍ତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏତତ ବ୍ୟତୀତ କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଧନ୍ୟବାଦ ଅର୍ପଣ କରିଥିଲେ ଅଧ୍ୟାପକ ବସନ୍ତକୁମାର ସାହୁ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
