ମୋ ଅନୁଷ୍ଠାନ ସାହିତ୍ୟ ସଂସଦକୁ ମିଳିଲା ଅଟଳ ପ୍ରତିଭା ସମ୍ମାନ ପତ୍ର
ଖଇରା,୧୭/୮/୨୫- ଅଟଳ ବିହାରୀ ବାଜପେୟୀ ରିସର୍ଚ୍ଚ ଇନଷ୍ଟିଚ୍ୟୁଟ, ଭୁବନେଶ୍ୱର ତରଫରୁ ତା ୧୬/୮/୨୦୨୫ ରିଖରେ ଭୁବନେଶ୍ୱର ସ୍ଥିତ ଜୟଦେବ ଭବନ ପରିସରରେ ବିଭିନ୍ନ ମଞ୍ଚାସୀନ ଅତିଥି ମାନଙ୍କ ଦ୍ବାରା ସମ୍ମିଳନୀ ଅନୁଷ୍ଠିତ ହୋଇଯାଇଛି । ସଭାପତି ଇଂ ସୁଧାକର ପତ୍ରୀଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଭାଜପା ରାଜ୍ୟ ସଭାପତି ମନମୋହନ ସାମଲ, ମୁଖ୍ୟବକ୍ତା ଭାବେ କର୍ଣ୍ଣେଲ ଶରତ ଚନ୍ଦ୍ର ମହାପାତ୍ର ଯୋଗ ଦେଇଥିଲେ । ଭାରତରତ୍ନ ଅଟଳ ବିହାରୀ ବାଜପେୟୀଙ୍କ ୭ମ ପୁଣ୍ୟତିଥି ପାଳନ ଅବସରରେ ପ୍ରତିଭା ସମ୍ମାନ, ସ୍ମୃତି ସଭା ଓ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ବିଶିଷ୍ଟ ସ୍ତମ୍ଭକାର ଅଭୟ ଦ୍ବିବେଦୀ ଆଭିମୁଖ୍ୟ ପ୍ରକାଶ କରିଥିବା ବେଳେ ସଂଯୋଜନା କରିଥିଲେ ସୁନାମ ଧନ୍ଯ ଚିକିତ୍ସକ ଡଃ ଗୋପାଳ ଚନ୍ଦ୍ର ଦାଶ । ଏଥିରେ ବିଭିନ୍ନ ସାରସ୍ୱତ ସମାଜସେବା ଅନୁଷ୍ଠାନ, ସାରସ୍ୱତ ପ୍ରତିଭା ମାନଙ୍କୁ ସମ୍ବର୍ଦ୍ଧିତ କରିଥିଲେ ମଞ୍ଚାସୀନ ଅତିଥି । ସାହିତ୍ୟ, ସମ୍ବାଦ ଓ ସମାଜସେବାକୁ ନେଇ ବାଲେଶ୍ଵର ଜିଲ୍ଲାରେ ଗଢି ଉଠିଥିବା ” ମୋ ଅନୁଷ୍ଠାନ ସାହିତ୍ୟ ସଂସଦ ” ମଧ୍ୟ ସମ୍ମାନିତ ହେବାକୁ ମନୋନୀତ ହୋଇଥିଲା । କେବଳ ସାହିତ୍ୟ ସାଧନାକୁ ଗୁରୁତ୍ୱ ଦେଇନି ସଂସଦ, ପ୍ରତିବର୍ଷ ବୃଦ୍ଧବୃଦ୍ଧା, ଗରିବ, ଅସହାୟ, ବାର୍ଦ୍ଧକ୍ୟ, ବିକଳାଙ୍ଗ, ବିଧବା ଇତ୍ୟାଦି ବ୍ଯକ୍ତି ମାନଙ୍କୁ କମ୍ବଳ, ମଶାରୀ ଇତ୍ୟାଦି ବଣ୍ଟନ କରିଥାଏ । ସେବା କାର୍ଯ୍ୟ ବିଷୟରେ ସୋସିଆଲ ମିଡ଼ିଆରୁ ଜାଣିଲା ପରେ ମୋ ଅନୁଷ୍ଠାନ ସଭାପତି ଭଉଣୀ କୁଞ୍ଜଲତା ମାହୁଁନ୍ତଙ୍କୁ ଯୋଗାଯୋଗ କରିଥିଲା ଇନଷ୍ଟିଚ୍ୟୁଟ । ସେବା ଆକାଶରେ ଭଉଣୀ ଶ୍ରୀମତୀ ମାହୁଁନ୍ତ ଉଜ୍ଜ୍ୱଳ ଧ୍ରୁବତାରି ପରି ନିଜର ପ୍ରତିଭାକୁ ବିଚ୍ଛୁରିତ କରି ଚାଲିଛନ୍ତି । ସେଥିପାଇଁ ବିଭିନ୍ନ ସାହିତ୍ୟ ଓ ସମାଜସେବା ଅନୁଷ୍ଠାନ ତାଙ୍କୁ କରୁଛି କୋଳାଗ୍ରତ ଓ ସମ୍ବର୍ଦ୍ଧିତ । ମୁଖ୍ୟ ଅତିଥି ମନମୋହନ ସାମଲଙ୍କ ଠାରୁ ଅନୁଷ୍ଠାନକୁ ପ୍ରଦତ୍ତ ମାନପତ୍ର ଗ୍ରହଣ କରିବା ସହିତ ଅନୁଷ୍ଠାନକୁ ରାଜଧାନୀରେ ଛିଡ଼ା କରାଇ ପାରିଥିବାରୁ ସତରେ ” ମୋ ଅନୁଷ୍ଠାନ ” ଗର୍ବିତ । ବାସ୍ତବରେ ଅନୁଷ୍ଠାନ ପ୍ରତି ଶ୍ରୀମତୀ ମାହୁଁନ୍ତଙ୍କ ସ୍ନେହ, ଶ୍ରଦ୍ଧା, ଆତ୍ମୀୟତା ଓ ଭଲପାଇବା ଚିରଦିନ ପାଇଁ ଲିପିବଦ୍ଧ ହୋଇ ରହିବ ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା କହିଛନ୍ତି । ସେବା କାର୍ଯ୍ୟ ଜଣଙ୍କ ଦ୍ବାରା ହୁଏନି, ଏଥିପାଇଁ ଯାହାଙ୍କ ମନ ସେବା ପାଇଁ ଉଦ୍ଦିଷ୍ଟ ଥାଏ ସେ ହିଁ ସେବା କାର୍ଯ୍ୟରେ ଆଗେଇ ପାରିବ । ଭଉଣୀ କୁଞ୍ଜଲତାଙ୍କ ଉଦ୍ୟମ ଓ ପ୍ରଚେଷ୍ଟା ବଳରେ କାର୍ଯ୍ୟଧାରାର ପରିବର୍ତ୍ତନ, ସେବା ଓ ଅନୁଷ୍ଠାନର ଆଗାମୀ ଭବିଷ୍ୟତ ଉଜ୍ଜ୍ୱଳମୟ ହେବାରେ ଲାଗି ଥିବାରୁ ସବୁ ମହଲରୁ ଶ୍ରୀମତୀ ମାହୁଁନ୍ତଙ୍କୁ ପ୍ରଶଂସା ମିଳୁଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
