ଓଡିଶା ସାହିତ୍ୟିକ ସଂଗଠନ ତରଫରୁ କବିତା ଆସର
ବାଲେଶ୍ଵର,୧୬/୪ ୨୪- ଗତକାଲି ଓଡିଶା ସାହିତ୍ୟ ସଂଗଠନ ଭୁବନେଶ୍ୱର, ଓଡିଶା ତରଫରୁ ହ୍ଵାଟ୍ସଆପ୍ ଗୃପରେ କବିତା ଆସର ଅନୁଷ୍ଠିତ ହୋଇଥିଲା । ଏହି ରାଜ୍ୟ ସ୍ତରୀୟ ଅର୍ଦ୍ଧ-ମାସିକ ଛନ୍ଦବୋଧ ଗୀତି କବିତା ଆସର ଅପରାହ୍ନ ୪ ଘଟିକାରୁ ଆରମ୍ଭ ହୋଇ ରାତି ୮ ଘଟିକାରେ ଶେଷ ହୋଇଥିଲା । କବିତା ଗୁଡିକୁ ସମୀକ୍ଷା କରିବା ପାଇଁ ଜଣେ ମୁଖ୍ୟ ସମୀକ୍ଷକଙ୍କ ସହିତ ୨ ଜଣ ସହ-ସମୀକ୍ଷକ ଥିଲେ । ମୁଖ୍ୟ ସମୀକ୍ଷକ ଭାବେ ରାୟଗଡ଼ାର ବିଶିଷ୍ଟ ଗୀତି କବି ସୌଭାଗ୍ୟ ମଞ୍ଚରୀ ଦାଶ ଆସନ ଅଳଙ୍କୃତ କରିଥିବା ବେଳେ ସହ-ସମୀକ୍ଷକ ଭାବେ ବାଲେଶ୍ଵର ଜିଲ୍ଲା ଖଇରାର ବିଶିଷ୍ଟ ଗୀତି କବି ତଥା ମୋ ଅନୁଷ୍ଠାନ ସାହିତ୍ୟ ସଂସଦର ସମ୍ପାଦକ କବିକମଳ ନରେନ୍ଦ୍ର ପ୍ରସାଦ ବେହେରା ଏବଂ ଖୋର୍ଦ୍ଧାର ବିଶିଷ୍ଟ ଗୀତି କବି ଗୋଲାପ ସାହୁ ଆସନ ଅଳଙ୍କୃତ କରିଥିଲେ । କବିକମଳ ଶ୍ରୀ ବେହେରା ସୌଭାଗ୍ୟ ମଞ୍ଚରୀ ଦାଶ, ସୁରେଶ ଚନ୍ଦ୍ର ରଥ, ଏକାମ୍ର ବାଘ ଓ ସୂର୍ଯ୍ୟମଣୀ ନିଶଙ୍କଙ୍କ କବିତା ସମୀକ୍ଷା କରିଥିଲେ । ଯାହାର ଶୀର୍ଷକ ଥିଲା ଭୈରବ ରାଗରେ ଛନ୍ଦବୋଧ ଗୀତି କବିତା – ରାବଣର ସୀତାଙ୍କ ପ୍ରତି ଚାଟୁକ୍ତି । କବି ମାନଙ୍କ ରଚନା ଖୁବ୍ ଉଚ୍ଚକୋଟିର ଓ ସୁନ୍ଦର ହୋଇଥିଲା । ଯାହା ସମସ୍ତଙ୍କ ହୃଦୟସ୍ପର୍ଶୀ ହୋଇଥିଲା । ସଂଗଠନର ରାଜ୍ୟ ସହ ସମ୍ପାଦିକା ଭାବେ ଅନୁଗୋଳର ବିଶିଷ୍ଟ ଗୀତି କବୟିତ୍ରୀ ରଞ୍ଜିତା ରାଉଳ ଓ ବିଶିଷ୍ଟ ଗୀତି କବୟିତ୍ରୀ ପ୍ରିୟଦର୍ଶିନୀ ମହାରଣା ସଂଗଠନ କାର୍ଯ୍ୟ ସୁଚାରୁରୂପେ ତୁଲାଉଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
