ରାବଣ ଦହନ ଓ ବିଜୟାଦଶମୀ ସେକ୍ଟର-୧୩ ମେଳନ ପଡ଼ିଆରେ : ଶ୍ରୀ ଦଶହରା ପୂଜା ସମିତି ପକ୍ଷରୁ ସୂଚନା
ରାବଣ ଦହନ ସହିତ ଆତସବାଜି ଏବଂ ଡିଜିଟାଲ ଆଲୋକ ହେବ ଆକର୍ଷଣର କେନ୍ଦ୍ରବିନ୍ଦୁ
ରାଉରକେଲା ୨୭/୯, ଚଳିତ ବର୍ଷ ଶ୍ରୀ ଦଶହରା ପୂଜା ସମିତି ପକ୍ଷରୁ ଅକ୍ଟୋବର ୨ ତାରିଖ ଦିନ ରାବଣ ଦହନ ଏବଂ ବିଜୟାଦଶମୀ ଉତ୍ସବ ସେକ୍ଟର-୧୩ ମେଳନ ପଡିଆରେ ଅନୁଷ୍ଠିତ ହେବ ବୋଲି ଆଜି ଲୋରେଟୋ ଇଂଲିଶ ସ୍କୁଲରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି। ଚଳିତ ବର୍ଷ ବିଜୟାଦଶମୀ ଉତ୍ସବ ଅକ୍ଟୋବର ୨ ତାରିଖ ଦିନ ସନ୍ଧ୍ୟା ୬ଟା ସମୟରେ ସେକ୍ଟର-୧୩ ମେଳନ ପଡ଼ିଆରେ ଅନୁଷ୍ଠିତ ହେବ। ଶ୍ରୀ ଦଶହରା ପୂଜା ସମିତି ସଂଯୋଜକ ସୁରେଶ କେଜରିୱାଲଙ୍କ ସହ ସଭାପତି ରାହୁଲ ଅଗ୍ରୱାଲ ଏହି ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ ଯେ, ଚଳିତ ବର୍ଷ ନୂତନ ଶ୍ରୀ ଦଶହରା ପୂଜା ସମିତିର ଏକ ନୂତନ କମିଟି ଗଠନ କରାଯାଇଛି। ଏଥିରେ ସଭାପତି ରାହୁଲ ଅଗ୍ରୱାଲ, ସମ୍ପାଦକ ପବନ ଖେମାନି ଏବଂ କୋଷାଧ୍ୟକ୍ଷ ଗୌରବ ସିଂଘଲ ଅଛନ୍ତି। ସେମାନେ କହିଥିଲେ ଯେ ଚଳିତ ବର୍ଷ ରାବଣ ଦହନ, ବିଜୟାଦଶମୀ ଉତ୍ସବ ଏବଂ ପ୍ରଭୁ ଶ୍ରୀରାମଙ୍କ ରାଜ୍ୟାଭିଷେକ ଉତ୍ସବ ଅନୁଷ୍ଠିତ ହେବ। ଏଥିପାଇଁ ଆଗ୍ରାର କାରିଗର ଶୌକତ ଅଲ୍ଲୀ ଏବଂ ନିଯୁକ୍ତ ଅଲ୍ଲୀଙ୍କ ଦ୍ୱାରା ନିର୍ମିତ ୫୫ ଫୁଟ ଉଚ୍ଚ ରାବଣର ପ୍ରତିମୂର୍ତ୍ତି ଏବଂ ୫୫ ଫୁଟ ଉଚ୍ଚ କୁମ୍ଭକର୍ଣ୍ଣର ପ୍ରତିମୂର୍ତ୍ତି ପ୍ରସ୍ତୁତ କରାଯାଉଛି। ଏହି କାର୍ଯ୍ୟକ୍ରମରେ ଆତସବାଜି ସହିତ ଡିଜିଟାଲ୍ ଆଲୋକୀକରଣର ଏକ ଚମତ୍କାର ପ୍ରଦର୍ଶନ କରାଯିବ।
ଏହି ଅବସରରେ ପୂର୍ବତନ ସଭାପତି ଲଳିତ କେଜରିୱାଲ୍, ବିବେକ ପୋଦ୍ଦାର, ଦର୍ଶିତ ଠକ୍କର, ଗୌରବ ଅଗ୍ରୱାଲ୍, ପ୍ରତୀକ ଅଗ୍ରୱାଲ୍, କିଷାନ୍ ଅଗ୍ରୱାଲ୍, ଦେବାଂଶ ଅଗ୍ରୱାଲ୍, ଭବାନୀ ଭାଇ ଏବଂ ଅନ୍ୟାନ୍ୟ ସଦସ୍ୟମାନେ ଏହି ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ।
ଏହି ବିଜୟାଦଶମୀ ଉତ୍ସବରେ ମୁଖ୍ୟ ଅତିଥି ଭାବରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଯୋଗଦେବାର କାର୍ଯ୍ୟକ୍ରମ ଥିବାବେଳେ ସୁନ୍ଦରଗଡ ଜିଲ୍ଲାପାଳ ଡକ୍ଟର ଶୁଭଙ୍କର ମହାପାତ୍ର, ରାଉରକେଲା ବିଧାୟକ ସାରଦା ପ୍ରସାଦ ନାୟକ ଏବଂ ରଘୁନାଥପାଲି ବିଧାୟକ ଦୁର୍ଗା ଚରଣ ତନ୍ତୀ ସମ୍ମାନିତ ଅତିଥି ଭାବରେ ଯୋଗଦେବାର କାର୍ଯ୍ୟକ୍ରମ ରହିଛି। ସ୍ୱତନ୍ତ୍ର ଅତିଥି ଭାବରେ ପଶ୍ଚିମାଞ୍ଚଳ ରେଞ୍ଜ ପୋଲିସ୍ ଡିଆଇଜି ବ୍ରିଜେଶ କୁମାର ରାୟ, ରାଉରକେଲା ଅତିରିକ୍ତ ଜିଲ୍ଲାପାଳ ଶ୍ରୀମତୀ ଦୀନାଃ ଦସ୍ତଗୀର, ରାଉରକେଲା ଆରକ୍ଷୀ ଅଧିକ୍ଷକ ନିତେଶ ୱାଧୱାନୀଙ୍କ ସମେତ ରାଉରକେଲା ଇସ୍ପାତ କାରଖାନା ଭାରପ୍ରାପ୍ତ ନିର୍ଦ୍ଦେଶକ ଆଲୋକ ବର୍ମା ସାମିଲ ହେବେ।
ଶ୍ରୀ ଦଶହରା ସମିତି ପକ୍ଷରୁ ରାଉରକେଲା ସହରବାସୀଙ୍କୁ ନିଜ ପରିବାର ସହିତ ଏହି କାର୍ଯ୍ୟକ୍ରମରେ ଯୋଗ ଦେଇ ବିଜୟାଦଶମୀର ମହିମା ବୃଦ୍ଧି କରିବାକୁ ସମସ୍ତଙ୍କୁ ନିବେଦନ କରାଯାଇଛି।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
