ଜୁନାଗଡ଼ ବ୍ଲକ ସ୍ତରୀୟ “ସୁରଭି” କାର୍ଯ୍ୟକ୍ରମ , ଅନୁଷ୍ଠିତ
ଜୁନାଗଡ଼୨୬/୧୦(ମନୀସ) ଜୁନାଗଡ଼ ବ୍ଲକ ସ୍ତରୀୟ “ସୁରଭି” କାର୍ଯ୍ୟକ୍ରମ ଜୁନାଗଡ଼ ଆଦର୍ଶ ବିଦ୍ୟାଳୟ ପ୍ରାଙ୍ଗଣ ରେ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମଟି ଶିଶୁମାନଙ୍କ ସମଗ୍ର ବିକାଶ, ସୃଜନଶୀଳତା, ସାଂସ୍କୃତିକ ଜ୍ଞାନ ଓ ନୈତିକ ମୂଲ୍ୟବୋଧ ବିକାଶ ପାଇଁ ଆୟୋଜିତ କରାଯାଇଛି।ଏହି କାର୍ଯ୍ୟକ୍ରମ ରେ ବ୍ଲକ ଶିକ୍ଷା ଅଧିକାରୀ ତପନ ମାଝୀ ସଭାପତି ଭାବେ ଯୋଗଦେଇ କାର୍ଯ୍ୟକ୍ରମର ଉଦ୍ଘାଟନ କଲେ। ମୁଖ୍ୟ ଅତିଥି ଭାବେ ଶ୍ରୀମତୀ ସବିତା ମେହେର , ବ୍ଲକ ଚେୟାରମେନ ଯୋଗ ଦେଇଥିଲେ ।, “ସୁରଭି” ହେଉଛି ଗୋଟିଏ ଏହିପରି ମଞ୍ଚ ଯାହା ଦ୍ୱାରା ଶିଶୁମାନେ ନିଜ ପ୍ରତିଭାକୁ ଦେଖାଇ ପାରିବେ ଓ ନିଜେ ନିଜକୁ ଉନ୍ନତ କରିପାରିବେ ବୋଲି ମୁଖ୍ୟଅତିଥି ନିଜ ବକ୍ତବ୍ୟରେ ପ୍ରକାଶ କରିଥିଲେ। କାର୍ଯ୍ୟକ୍ରମ ରେ ବ୍ଲକ ର ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ସୁଶାନ୍ତ କୁମାର ଠାକୁର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ କ୍ଷୀରୋଦ ଭୋଇ , ଆଦର୍ଶ ବିଦ୍ୟାଳୟର ଅଧ୍ୟକ୍ଷ ସଂଗ୍ରାମ କେଶରୀ ବାଗ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ମଞ୍ଚ ପରିଚାଳନା କରିଥିଲେ ସୂର୍ଯ୍ୟ ନାରାୟଣ ଠାକୁର – ମାଲିଗୁଡ଼ା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ , ଓ ସୂର୍ଯ୍ୟ ଠାକୁର – ମହିଚଲା ଉଚ୍ଚ ବିଦ୍ୟାଳୟ , ଶିକ୍ଷକ । ଏହି କାର୍ଯ୍ୟକ୍ରମରେ ବିଭିନ୍ନ ବିଦ୍ୟାଳୟର ଶିଶୁମାନେ ସଙ୍ଗୀତ, ନୃତ୍ୟ, ଚିତ୍ରାଙ୍କନ, ରଚନା ଓ କବିତା ପାଠ ପରି ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମକୁ ସଫଲ୍ୟ ମଣ୍ଡିତ କରିବାରେ ସୁଶାନ୍ତ କୁମାର ପଣ୍ଡା ,ସିତେଶ କୁମାର ପାଢ଼ୀ , କାଳୁ ଚରଣ ମହାରଣା , ମନୋରଞ୍ଜନ ସାହୁ ,ସମସ୍ତ CRCC , ଆଦର୍ଶ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ଗଣ ସହଯୋଗ କରିଥିଲେ । ସମସ୍ତ ଶିକ୍ଷକ ଅଭିଭାବକମାନେ ଓ ସ୍ଥାନୀୟ ଅଧିକାରୀମାନେ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଲେ।
ଶେଷରେ ପ୍ରତିଯୋଗୀ ଶିଶୁମାନଙ୍କୁ ପୁରସ୍କାର ଓ ସ୍ମୃତିଚିହ୍ନ ପ୍ରଦାନ କରାଯାଇଥିଲା। କାର୍ଯ୍ୟକ୍ରକୁ ସୌମ୍ୟ ରଞ୍ଜନ ସାହୁ ପରିଚାଳନା କରି ସମସ୍ତଙ୍କୁ ଧନ୍ୟବାଦ ଦେଇଥିଲେ।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
