ଆନ୍ତଃ ଉଚ୍ଚ ମାଧ୍ୟମିକ ମହିଳା କବାଡି ପ୍ରତିଯୋଗିତା
ସୋମପାଟଣା ଉଚ୍ଚ ମାଧ୍ୟମିକ ବିଦ୍ୟାଳୟ ଚମ୍ପିୟାନ
ଯାଜପୁର , ୪|୧୧ (ମସିହା ନ୍ୟୁଜ) ପ୍ରଦୀପ କୁମାର ମଲ୍ଲିକ : ବରୁଣେଶ୍ୱର ମହାବିଦ୍ୟାଳୟ ମିନି ଷ୍ଟାଡିୟମରେ ଚାଲୁଥିବା ତ୍ରିଦିବସୀୟ ଆନ୍ତଃ ଉଚ୍ଚ ମାଧ୍ୟମିକ ମହିଳା କବାଡ଼ି ପ୍ରତିଯୋଗିତା ସୁଚାରୁରୂପେ ସମ୍ପନ୍ନ ହୋଇଯାଇଛି | ଗତ ନଭେମ୍ବର ୧ ତାରିଖରେ ଏହି ପ୍ରତିଯୋଗିତା କୁ ମହାବିଦ୍ୟାଳୟର ଅଧ୍ୟକ୍ଷା ବିନ୍ଦୁରେଖା ନାୟକ ଆନୁଷ୍ଠାନିକ ରୂପେ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ | କ୍ରୀଡା ପ୍ରଶିକ୍ଷକ ରଂଜନ କୁମାର ସୂତାର , ଅଧ୍ୟାପକ ଅରୁଣ ବିକାଶ କର ପ୍ରମୁଖ କ୍ରୀଡ଼ାର ମହତ୍ତ୍ୱ ସମ୍ପର୍କରେ ଅଲୋକପାତ କରିଥିଲେ | ବରୁଣେଶ୍ୱର ଉଚ୍ଚ ମାଧ୍ୟମିକ ବିଦ୍ୟାଳୟ , ବିରଜା ମହିଳା ଉଚ୍ଚ ମାଧ୍ୟମିକ୍ , ସୋମପାଟଣା ଉଚ୍ଚ ମାଧ୍ୟମିକ ବିଦ୍ୟାଳୟ ପ୍ରଭୃତି ୧୫ ଟି ଉଚ୍ଚ ବିଦ୍ୟାଳୟର ପ୍ରତିଯୋଗୀ ଅଂଶଗ୍ରହଣ କରିଥିଲେ | ଫାଇନାଲ ମ୍ୟାଚ୍ – ସୋମ ପାଟଣା ଉଚ୍ଚ ମାଧ୍ୟମିକ ଓ ଇନ୍ଦିରାଗାନ୍ଧୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରତିଯୋଗୀ ମାନଙ୍କ ମଧ୍ୟ ରେ ଅନୁଷ୍ଠିତ ହୋଇଥିଲା ଏବଂ ସୋମପାଟଣା ଉଚ୍ଚ ମାଧ୍ୟମିକ ବିଦ୍ୟାଳୟ , କେନ୍ଦୁଝର ଚମ୍ପିୟନ ହୋଇଥିଲା |
ଉଦଯାପନୀ ଦିବସରେ ବିଶିଷ୍ଟ ଶିକ୍ଷାବିତ୍ ଡ଼. ବଟକୃଷ୍ଣ ମହାପାତ୍ର , ମୁଖ୍ୟ ଅତିଥି ରୂପେ ଯୋଗଦେଇ କବାଡ଼ି ପ୍ରତିଯୋଗିତାର ପ୍ରାଚୀନତା ସମ୍ପର୍କରେ ବର୍ଣନା କରି ଚମ୍ପିୟନ ଓ ରନର୍ସ ଅଫ ଦଳକୁ ଟ୍ରଫି ପ୍ରଦାନ କରି ସମ୍ବର୍ଦ୍ଧିତ କରିଥିଲେ | ଏହି ଅଧିବେଶନରେ ଅଧ୍ୟକ୍ଷା ବିନ୍ଦୁରେଖା ନାୟକ ଅଧ୍ୟକ୍ଷତା କରିଥିଲେ | ସମସ୍ତ କାର୍ଯ୍ୟକ୍ରମ କୁ ଅଧ୍ୟାପକ ସୁବ୍ରତ ଦାସ ସଂଯୋଜନା ଓ ଜିତେନ୍ଦ୍ର ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ | କ୍ରୀଡା ପ୍ରଶିକ୍ଷକ ସର୍ବଶ୍ରୀ ଲାଲା , ସଂଜୀବ ଭଦ୍ର , କ୍ଷୀରୋଦ ହାତୀ , ଶ୍ୟାମ ସୁନ୍ଦର ବେହେରା , କିଶାନ ପଣ୍ଡା ପ୍ରମୁଖ ପରିଚାଳନା ଓ ଜିତେନ୍ଦ୍ର ବିଶ୍ୱାଳ ପ୍ରତିଯୋଗିତାଟିକୁ ସଂଚାଳନ କରିଥିଲେ |
