ସୁରକ୍ଷିତ ହେବ ବସ୍ ସେବା,ଖୋଲିବ ଜରୁରୀ ଗେଟ୍ ରହିବ ଅଗ୍ନି ନିର୍ବାପକଯନ୍ତ୍ର
ଢେ଼ଙ୍କାନାଳ (ମନିସ)11/11/25 — ସକାଳ ହେଲେ କିଏ ଡାକ୍ତରଖାନା,ଚାକିରି ସ୍ଥଳ ତ ଆଉ କିଏ ବନ୍ଧୁଘରକୁ ଯିବାକୁ ବସ୍ ଧରୁଛନ୍ତି । ଦୂର ବାଟ ପାଇଁ ରାତିକାଳୀନ ବସ୍ରେ ଶୋଇ ଯାତ୍ରା କରୁଛନ୍ତି । ହେଲେ ବସ୍ ଯାତ୍ରା ସମୟର ସୁରକ୍ଷା ବ୍ୟବସ୍ଥା ଅଣଦେଖାରେ ଚାଲିଛି । କୌଣସି ଦୁର୍ଘଟଣା ବା ଅଘଟଣ ଘଟିଲେ ଜରୁରୀକାଳୀନ ଗେଟ୍ ରହିଥିଲେ ବି ତାହା ଖୋଲୁ ନାହିଁ । ଅଗ୍ନି ନିର୍ବାପକ ଯନ୍ତ୍ର ମଧ୍ୟ ରଖାଯାଉନାହିଁ । ଲୋକଙ୍କ ଜୀବନକୁ ପଛକରି ଅସୁରକ୍ଷିତ ଭାବେ ବସସେବା ଚାଲିଛି I ଢେଙ୍କାନାଳରେ ମଧ୍ୟ ଏହିପରି ସଚେତନ କରାଇଲା ଅଗ୍ନିଶମ,ଆର୍ଟିଓ,ପଦକ୍ଷେପ ନନେଲେ କାର୍ଯ୍ୟାନୁଷ୍ଠାନ ପରେ ଅସୁରକ୍ଷିତ ଭାବେ ବସ୍ସେବା ଚାଲିଥିବା ଦେଖିବାକୁ ମିଳିଛି । ବିଭିନ୍ନ ସ୍ଥାନରେ ଦୁର୍ଘଟଣା ଚେତାପଶିଛି । ସଚେତନତା ଆରମ୍ଭ ହୋଇଛି । ବନ୍ଦ ରହୁଥିବା ଜରୁରୀ ଗେଟ୍ ଖୋଲିବା ଓ ଅଗ୍ନି ନିର୍ବାପକ ଯନ୍ତ୍ର ରଖିବାକୁ ଗୁରୁତ୍ବ ଦିଆଯାଇଛି । ପଦକ୍ଷେପ ନନେଲେ କାର୍ଯ୍ୟାନୁଷ୍ଠାନ ଚେତାବନୀ ଦିଆଯାଇଛି । ଶନିବାର ପୂର୍ବାହ୍ନରେ ଢେଙ୍କାନାଳ ବସ୍ ଷ୍ଟାଣ୍ଡରେ ଆଞ୍ଚଳିକ ପରିବହନ କାର୍ଯ୍ୟାଳୟ( ଆର୍ଟିଓ) ଓ ଅଗ୍ନିଶମ ବାହିନୀ ପକ୍ଷରୁ ବସ୍ ସେବାକୁ ସୁରକ୍ଷିତ କରି କରିବା ଉପରେ ସଚେତନତା କରାଯାଇଛି । ଆୟୋଜିତ ବୈଠକରେ ଆରଟିଓ ଶିବାଶିଷ ସାହୁ,ଜିଲ୍ଲା ଅଗ୍ନିଶମ ଅଧିକାରୀ ପ୍ରଶାନ୍ତ କୁମାର ଧଳ,ଅତିରିକ୍ତ ଆରଟିଓ ସାର୍ଥକ ଦତ୍ତ ପ୍ରମୁଖ ଯୋଗଦେଇ ଏ ସମ୍ପର୍କରେ ଅବଗତ କରାଇଥିଲେ । ବସ୍ ଯାତ୍ରା ବେଳେ କୌଣସି ଦୁର୍ଘଟଣା ଘଟିଲେ ବସ୍ର ପଛ ପାର୍ଶ୍ଵରେ ଏକ ବସ୍ ସେବା ରହିବ ଅଗ୍ନି ନିର୍ବାପକ ଯନ୍ତ୍ର ଜରୁରୀ ଗେଟ୍ ରହିଛି । ତାହାକୁ ଜୋର୍ରେ ଠେଲିଲେ ବା ଖୋଲି ଯାତ୍ରୀ ବାହାରକୁ ବାହାରି ପାରିବେ । ଉକ୍ତ ସ୍ଥାନରେ କୌଣସି ସିଟ୍ ପଡ଼ିପାରିବ ନାହିଁ । ଯାହାକୁ ଅଣଦେଖା କରି ଉକ୍ତ ଗେଟ୍ ତୁରନ୍ତ ଖୋଲିବାର ବ୍ୟବସ୍ଥା କରାଯାଉନାହିଁ । ଉକ୍ତ ଗେଟ୍ ପାଖରେ ସିଟ୍ ପକାଇ ଦିଆଯାଉଛି । ତାହା କାଟିବାକୁ କୁହାଯାଇଛି । ମାତ୍ର ୩ଟି ବସ୍ରେ ଏହି ସ୍ଥାନ ଖାଲି ଥିବା ଦେଖାଯାଇଥିବା ବେଳେ ଅନେକ ବସ୍ରେ ନଥିବା ଦେଖାଯାଇଥିବା ଅଗ୍ନିଶମ ଅଧିକାରୀ ଶ୍ରୀ ଧଳ କହିଛନ୍ତି । ସେହିଭଳି ଯଦି ଗେଟ୍ ନଖୋଲେ ଦେବେ କାଚ ଭାଙ୍ଗି ଲୋକେ ବାହାରି ପାରିବେ । ସେଥିପାଇଁ ହାତୁଡ଼ି ରଖିବାର ନିୟମ ରହିଛି । ଲୋକେ ଅବଗତ ହେବା ଭଳି ସ୍ଥାନରେ ତାହା ରଖିବାକୁ କୁହାଯାଇଛି । ଏହାସହ ଅଗ୍ନିନିର୍ବାପକ ଯନ୍ତ୍ର ରଖିବା ଅତ୍ୟନ୍ତ ଗୁରୁତ୍ଵପୂର୍ଣ୍ଣ । ତାହା ଅନେକ ମାନୁ ନାହାନ୍ତି । ଏହା ରଖିବା ସହ ଡ୍ରାଇଭର,କଣ୍ଡକ୍ଟର,ହେଲପରମାନେ ଏହାର ବ୍ୟବହାର ଜାଣିବା ଉଚିତ୍ । ଏହାସହ ବସ୍ର ସିଟ୍ ଆଦି ତିଆରି ପାଇଁ ବିଶେଷ ସାମଗ୍ରୀ ରହିଛି । ଯାହା ନିଆଁ ଲାଗିଲେ ମଧ୍ୟ ତାହା ଅଧିକ ଧୂଆଁ ହେବ ନାହିଁ । ଫଳରେ ଲୋକେ ନିରାପଦରେ ବାହାରକୁ ବାହାରି ପାରିବେ । ସେସବୁ ପ୍ରତି ଦୃଷ୍ଟି ଦେବାକୁ ସଚେତନ କରାଯାଇଛି । କିଭଳି ଜରୁରୀ ଗେଟ୍ ଖୋଲିବ,କିଭଳି ଅଗ୍ନି ନିର୍ବାପକ ଯନ୍ତ୍ରର ବ୍ୟବହାର ହୋଇପାରିବ ତାହା ଶିଖା ଯାଇଥିଲା। ବସ୍ ମାଲିକ ସଂଘର କର୍ମକର୍ତ୍ତା,ଡ୍ରାଇଭର,କଣ୍ଡକ୍ଟର,ହେଲପର,ଆମ ବସ୍ ସେବାର କର୍ମଚାରୀ,ଯାତ୍ରୀ ପ୍ରମୁଖଙ୍କୁ ଏଥିରେ ସାମିଲ କରାଯାଇଥିଲା । ଏସବୁ ଦିଗ ପ୍ରତି ଗୁରୁତ୍ୱ ଦେଇ ପଦକ୍ଷେପ ନେବାକୁ କୁହାଯାଇଛି । କିଛି ଦିନ ମଧ୍ୟରେ ଯଦି ତାହା ନ କରାଯାଏ ତେବେ ଯାଞ୍ଚ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ଆରଟିଓ ଶ୍ରୀ ସାହୁ କହିଛନ୍ତି ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
