ଧର୍ମଗଡ଼ ମହିଳା ମହାବିଦ୍ୟାଳୟ (ଯୁକ୍ତ ଦୁଇ ଏବଂ ଯୁକ୍ତ ତିନି)ର ବାର୍ଷିକ କ୍ରୀଡା ଉତ୍ସବ ଉଦଯାପିତ
ଦୁଇଦିନ ଧରି ଅନୁଷ୍ଠିତ ଧର୍ମଗଡ଼ ମହିଳା ମହାବିଦ୍ୟାଳୟ (ଯୁକ୍ତ ଦୁଇ ଓ ଯୁକ୍ତ ତିନି)ର ବାର୍ଷିକ କ୍ରୀଡା ଉତ୍ସବ ଆଜି ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ସବିତା ପାଇକରାୟ ଙ୍କ ସଭାପତିତ୍ବ ତଥା ମୁଖ୍ୟ ଅତିଥି, ଶ୍ରୀ ସତ୍ୟ ପଟ୍ଟନାୟକ, ବିଶିଷ୍ଟ ସାହିତ୍ୟିକ, ବାଗ୍ମୀ ଓ ଶିକ୍ଷାବିତ, ସମ୍ମାନିତ ଅତିଥି ଶ୍ରୀ ଜଗନ୍ନାଥ ରାଓ, ଅଧ୍ୟକ୍ଷ, ପଂଚାୟତ ମହାବିଦ୍ୟାଳୟ, ଧର୍ମଗଡ଼, ଶ୍ରୀ ଲିଙ୍ଗରାଜ ପାତ୍ର, ବରିଷ୍ଠ ଇଂରାଜୀ 
ଅଧ୍ୟାପକ,ଶ୍ରୀମତୀ ମୂର୍ତ୍ତି ମଞ୍ଜରୀ ପଣ୍ଡା, ଅଧ୍ୟକ୍ଷା, ଧର୍ମଗଡ଼ ମହିଳା ଡିଗ୍ରୀ ମହାବିଦ୍ୟାଳୟ ତଥା ଉଭୟ ଯୁକ୍ତ ଦୁଇ ଓ ଯୁକ୍ତ ତିନି ଅଧ୍ୟାପକ, ଅଧ୍ୟାପିକା, ଛାତ୍ରୀ ଓ କର୍ମଚାରୀ ମାନଙ୍କ ଉପସ୍ଥିତିରେ ମହାସମାରୋହ ରେ ଉଦଯାପିତ ହୋଇ ଯାଇଅଛି। ଏଥିରେ ୧୦୦ ମିଟର,୨୦୦ ମିଟର,୪୦୦ ମିଟର ଦୌଡ ସହ ଶୋର୍ଟଫୁଟ, ଯାଭଲିଂ ଥ୍ରୋ, ଲଙ୍ଗ ଜମ୍ପ, ମିଉଜିକ୍ ଚେୟାର ଓ ଦୌଡ଼ି ଟଣା ପ୍ରତିଯଗିତା ଅନୁଷ୍ଠିତ ହୋଇଥିଲା।ଅନେକ ଛାତ୍ରୀମାନେ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଯୁକ୍ତ ଦୁଇ ର ଛାତ୍ରୀ ଅଲିସା ମାଝି ଓ ଯୁକ୍ତ ତିନି ର ଛାତ୍ରୀ ପୂର୍ଣ୍ଣିମା ମାଝି ଚମ୍ପିୟାନ ହୋଇଥିଲେ।ବଙ୍କିମ କୁମାର ମୁଣ୍ଡ ଇଂରାଜି ଅଧ୍ୟାପକ ଓ ସଂଜୀପ କୁମାର ମୁଣ୍ଡ ଏଜୁକେସନ ଅଧ୍ୟାପକ ସଭା କାର୍ଯ୍ୟ ସମ୍ପାଦନା କରିଥିଲେ। ଉଭୟ ଯୁକ୍ତ ଦୁଇ ଓ ଯୁକ୍ତ ତିନି ର ସମସ୍ତ ଅଧ୍ୟାପକ , ଅଧ୍ୟାପିକାଙ୍କ ସହିତ ଉମେଶ କୁମାର ସୁନା, ହିତେଶ କୁମାର ନାଏକ, ଅଙ୍କିତ ନାୟକ, ମନିଷା ବାଗ, ଅନାମିକା ବେହେରା, ପ୍ରଜ୍ଞା ପାରମିତା ପ୍ରଧାନ, ବାସନ୍ତୀ ସାହୁ ସମସ୍ତଙ୍କ ସହଯୋଗରେ ସମସ୍ତ କାର୍ଯ୍ୟ ଶେଷ ହୋଇଥିଲା।ଶେଷରେ ମୁଖ୍ୟ ଅତିଥି ଓ ସମ୍ମାନିତ ଅତିଥି ମାନଙ୍କ କରକମଳ ରୁ ପୁରସ୍କାର ବିତରଣି ସମାରୋହ ଆୟୋଜିତ ହୋଇଥିଲା ଓ ବଙ୍କିମ ମୁଣ୍ଡ ଇଂରାଜୀ ଅଧ୍ୟାପକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
ବିଦ୍ୟାଧର ସାହୁଙ୍କ ରିପୋର୍ଟ…
