ସେବାରେ ସମର୍ପିତ ଯୁବ ଥେରାପିଷ୍ଟ ବର୍ଗ : ନିଶୁଳ୍କ ସେବା ପ୍ରଦାନ କରି ଉଦାହରଣ ସୃଷ୍ଟି କଲେ
କଟକ : ମାନବ ସେବା ହିଁ ମାଧବ ସେବା । ଖୋର୍ଦ୍ଧା ଜିଲ୍ଲା କଳୟନପୁର ପଂଚାୟତ ଉପକଣ୍ଠ ଗଣ୍ଡରପୁର ଗ୍ରାମରେ ସମ୍ପ୍ରତି ଏକ ଅସାଧାରଣ ଦୃଶ୍ୟ ସାକ୍ଷୀ ହୋଇଥିଲା ଯାହାକି ଲୋକଂକ ସ୍ବାସ୍ଥ୍ୟସେବା ସହ ନବ ଜାଗରଣ ସୃଷ୍ଟି କରିଛି । ୨୨ ରୁ ୨୪ ବର୍ଷ ବୟସର ଯୁବ ଥେରାପିଷ୍ଟ ବର୍ଗ,ଯେଉଁମାନେ ଯୁବ ପିଢ଼ିର ଉଦାହରଣ,ସମାଜସେବାରେ ସ୍ୱୟଂ ସମର୍ପିତ କରିଛନ୍ତି । ସିନାପ୍ସି ମଲ୍ଟିଡିସିପ୍ଲିନାରୀ ରିହାବ ସେଣ୍ଟର୍ ପଟିଆର ସ୍ୱେଚ୍ଛାସେବୀ ଡ଼ାକ୍ତର ହେଲେ ଡାକ୍ତର ରାକେଶ କୁମାର ସାହୁ,ଡାକ୍ତର ଆଶିଷ ସେଠୀ,ଡାକ୍ତର ଆକାଶ ସ୍ୱାଇଁ ଓ ଡାକ୍ତର କାଜଲ ସିଂହ ପ୍ରମୁଖ । ଗ୍ରାମରେ ନିଃଶୁଳ୍କ ସ୍ୱାସ୍ଥ୍ୟ ସେବା ଏବଂ ସଚେତନତା ଶିବିର ଆୟୋଜନ କରି ଫିଜିଓଥେରାପି,ହିୟରିଂ ଏଡ୍ ସେବା ଏବଂ ଟ୍ରାୟାଲ୍,ଶ୍ରବଣ ଯାଞ୍ଚ ଏବଂ ଅଟିଜମ୍ ସଚେତନତା ପ୍ରଦାନ କରାଯାଇଥିଲା ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
