ମିଳିତ ସଂଗ୍ରାମ ମଞ୍ଚ ପକ୍ଷରୁ 12 ଘଣ୍ଟିଆ ବନ୍ଦ ପାଳନ
ରାଇଘର10/2 — ମିଳିତ ସଂଗ୍ରାମ ମଞ୍ଚ ପକ୍ଷରୁ ବିଭିନ୍ନ ଦାବୀ ନେଇ ଉମରକୋଟ ଓ ଝରୀଗାଁ ନିର୍ବାଚନ ମଣ୍ଡଳୀ ଅନ୍ତର୍ଗତ ରାଇଘର, ଉମରକୋଟ, ଝରୀଗାଁ ଓ ଚନ୍ଦାହାଣ୍ଡି ବ୍ଲକରେ ଫେବୃଆରୀ 10 ତାରିଖ ରେ ଡାକରା ଦିଆଯାଇଥିବା ବନ୍ଦ ପାଳନ ରାଇଘର ବ୍ଲକ ରେ ସଫଳ ହୋଇଥିବା ଦେଖିବାକୁ ମିଳିଛି l ସକାଳ 6 ଘଣ୍ଟିକା ଠାରୁ ସନ୍ଧ୍ୟା 6 ଘଣ୍ଟିକା ପର୍ଯ୍ୟନ୍ତ 12 ଘଣ୍ଟିଆ ବନ୍ଦ ପାଳନ ସମୟରେ ଦୂର ଦୂରାନ୍ତରୁ ଆସୁଥିବା ଗାଡି ମୋଟର ରାଇଘର ହନୁମାନ ମନ୍ଦିର ମୁଖ୍ୟ ବଜାର ଉଭୟ ପାର୍ଶ୍ଵରେ ଅଟକି ରହିଥିବା ବେଳେ ଜନସାଧାରଣ ନାହିଁ ନଥିବା ଅସୁବିଧା ର ସମ୍ମୁଖୀନ ହୋଇ ଥିବା ଦେଖିବାକୁ ମିଳିଥିଲା l ସ୍ଥାନୀୟ ମୁଖ୍ୟ ବଜାର ଛକ ଉପରେ କଂଗ୍ରେସ ଦଳ ପକ୍ଷରୁ ଟେଣ୍ଟ ମାରି ଧାରଣା ଦିଆ ଯାଇଥିଲା l ଉମରକୋଟ /ରାଇଘର ଅଞ୍ଚଳରେ ଦୀର୍ଘ 70ବର୍ଷ ଧରି ଭୁବନ୍ଦୋବସ୍ତ ହୋଇ ନଥିବାରୁ ଜନସାଧାରଣ ନାହିଁ ନଥିବା ଅସୁବିଧା ଭୋଗୁଛନ୍ତି l ମିଳିତ ସଂଗ୍ରାମ ମଞ୍ଚ ପକ୍ଷରୁ ମୁଖ୍ୟତଃ ଏହି ଅଞ୍ଚଳରେ ତୁରନ୍ତ ଭୁବନ୍ଦୋବସ୍ତ କରିବା, ମେଡିକାଲ କଲେଜ ସ୍ଥାପନ, 4ଟି ବ୍ଲକ ରେ ଧାନ ଓ ମକା ର ଅଭାବୀ ବିକ୍ରି ର ତ୍ୱରିତ ସମାଧାନ ଓ ମକା ମଣ୍ଡି ସ୍ଥାପନ ଆଦି ଦାବୀ ନେଇ ଏହି ବନ୍ଦ ପାଳନ କରାଯାଇଥିଲା l ଆଜିର ଏହି ବନ୍ଦ ପାଳନ ରେ କଂଗ୍ରେସ ନେତା ସୋନରାଜ ଗଣ୍ଡ, ମହେଶ ଗଣ୍ଡଙ୍କ ସମେତ ଶତାଧିକ ଲୋକ ସାମିଲ ହୋଇ ଥିବାବେଳେ ପୋଲିସ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ପାଇଁ ଫୋର୍ସ ମୁତୟନ କରାଯାଇଥିଲା l
କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
