ଦିବ୍ୟାଙ୍ଗ ହେଲେ ମଧ୍ୟ ଦେଶ ଓ ରାଜ୍ୟ ପାଇଁ ସୁନାମ ଆଣିଛନ୍ତି ସୁନା ଝିଅ ପାୟଲ ନାଗ
ବଲାଙ୍ଗୀର :- ୦୬/୦୪ ଥାଇଲ୍ୟାଣ୍ଡ ର ବ୍ୟାଙ୍କକ୍ ଠାରେ ଚାଲି ଥିବା ବିଶ୍ୱ ତିରନ୍ଦାଜି ପାରା ସିରିଜ ୨୦୨୬ ରେ ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି ବଲାଙ୍ଗୀର ଜିଲ୍ଲା ର ବିସ୍ମୟ ପ୍ରତିଭା ପାୟଲ ନାଗ ! ଦୁଇ ହାତ ଓ ପାଦ ନ ଥିବା ଓଡିଆ ଝିଅ ତୀରନ୍ଦାଜ ପାୟଲ ନାଗ ଉଲ୍ଲେଖନୀୟ ପ୍ରଦର୍ଶନ କରି ସ୍ବର୍ଣ୍ଣ ପଦକ ହାସଲ କରିଛନ୍ତି ! ସେ ବିଶ୍ଵ ର ନଂ୧ ପାରା ତୀରନ୍ଦାଜ ଭାରତର ଶୀତଳ ଦେବୀଙ୍କୁ ହରାଇ ଥିଲେ । ପାୟଲ ନାଗ ବଲାଙ୍ଗୀର ଜିଲ୍ଲା ମୁରିବହାଳ ବ୍ଲକ୍ ର ବାନ୍ଦୂପଲା ଗ୍ରାମ ପଞ୍ଚାୟତ ଅନ୍ତର୍ଗତ ଜମୁନାବାହାଲ ଗାଁ ର ଜଣେ ପ୍ରତିଭାବାନ ପାରା ଆଥଲେଟ ଚମ୍ପିୟାନ । ପାୟଲ ଙ୍କ ଜୀବନ ସଂଘର୍ଷ କୌଣସି ଚଳଚ୍ଚିତ୍ର କାହାଣୀ ଠାରୁ କମ୍ ନୁହେଁ, ବଲାଙ୍ଗୀର ଜିଲ୍ଲାର ର ଜଣେ ଦାଦନ ଶ୍ରମିକ ବିଜୟ ନାଗ ଓ ମାତା ଜନତା ନାଗ ଙ୍କ ଝିଅ ପାୟଲ ! ମାତ୍ର ୫ ବର୍ଷ ହୋଇଥିବା ବେଳେ ସେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଗୁରୁତର ଆଘାତ ହୋଇଥିଲେ ! ଫଳରେ ତାଙ୍କର ଦୁଇ ହାତ ଓ ପାଦ କୁ କାଟିବାକୁ ପଡ଼ିଥିଲା ! ପାୟଲ ସମ୍ପୂର୍ଣ୍ଣ ଭିନ୍ନକ୍ଷମ ପାଲଟି ଯାଇଥିଲେ ସେ ୫ ବର୍ଷ ବୟସରୁ ଦିବ୍ୟାଙ୍ଗ ହୋଇ ଥିଲେ ମଧ୍ୟ ନିଜର ଦୃଢ଼ ଇଚ୍ଛା ଶକ୍ତି ଏବଂ ପରିଶ୍ରମ ବଳରେ ଆଜି ରାଜ୍ୟ,ଦେଶ ତଥା ନିଜ ଅଞ୍ଚଳ ଓ ଗାଁ ପାଇଁ ଗୌରବ ଆଣି ପାରିଛନ୍ତି । ପାୟଲ ନାଗ ଙ୍କ ଭଳି ଖେଳାଳି ମାନେ ଆଜିର ଯୁବ ପିଢ଼ି ଏବଂ ଦିବ୍ୟାଙ୍ଗ ପିଲାମାନଙ୍କ ପାଇଁ ଏକ ବଡ଼ ପ୍ରେରଣା ତଥା ଉଦାହରଣ ସାଜିଛନ୍ତି ! ସେ “ଅକ୍ଷମତା ଶରୀର ରେ ଥାଏ “,,ମନ ରେ ନୁହେଁ… ବୋଲି ପ୍ରମାଣ ମଧ୍ୟ କରିଛନ୍ତି । ଏବେ ପାୟଲ ଙ୍କ ଏହି ବିଜୟ ଲାଭ ପାଇଁ ଚରିଆଡୁ ଶୁଭେଚ୍ଛାର ସୁଅ ଛୁଟୁଛି ।
