ମହାତ୍ମା ଜ୍ୟୋତି ରାଓ ଫୁଲେଙ୍କ ଜୟନ୍ତି ପାଳନ
ବ୍ରହ୍ମପୁର, ତା ୧୧/୦୪ ମହାତ୍ମା ଜ୍ୟୋତି ରାଓ ଫୁଲେ ଙ୍କ ଜୟନ୍ତିରେ ସ୍ଥାନୀୟ ସାଂସ୍କୃତିକ ଅନୁଷ୍ଠାନ ପୂଜ୍ୟ ପୂଜା ସମିତି ପକ୍ଷରୁ ସ୍ଥାନୀୟ ବିଜିପୁର କମ୍ୟୁନିଟି ହଲ୍ ଠାରେ ଏକ ସ୍ମରଣ ସଭା ଅନୁଷ୍ଠିତ ହୋଇଯାଇଛି l ମହିଳାଙ୍କ ଉତ୍ଥାନ ଓ ଦଳିତ ଆନ୍ଦୋଳନରେ ଜ୍ୟୋତି ରାଓ ଫୁଲେଙ୍କ ଅବଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେ ଆନ୍ଦୋଳନ ଦ୍ୱାରା ମହିଳାଙ୍କର ସାମାଜିକ ସ୍ଥିତିରେ ପରିବର୍ତ୍ତନ ଆଣିବା ପାଇଁ ଉଦ୍ୟମ କରିଥିଲେ। ସେ ମହିଳାଙ୍କ ଶିକ୍ଷା, ସ୍ବାଧୀନତା, ଏବଂ ସାମାଜିକ ନ୍ୟାୟ ପାଇଁ ଯଥେଷ୍ଟ ପ୍ରଚେଷ୍ଟା କରିଥିଲେ, ଯାହା ଦଳିତ ସମାଜ ପ୍ରତି ଦୃଢ଼ ଆଦର ଏବଂ ସମ୍ମାନ ଆଣିଥିଲା। ଏଥି ସହ ସେ ଦଳିତ ସମାଜର ସ୍ଥିତିକୁ ନେଇ ଅଧିକ ସାମାଜିକ ଏବଂ ଆର୍ଥିକ ସୁଧାର ପାଇଁ ପ୍ରଚେଷ୍ଟା କରିଥିଲେ। ତାଙ୍କର କାର୍ଯ୍ୟ ସାମାଜିକ ସମତା, ମହିଳା ଉତ୍ଥାନ ଏବଂ ଦଳିତ ସମାଜର ସଶକ୍ତିକରଣରେ ଏକ ଦୃଢ଼ ଉଦାହରଣ ହେବା ସହ ସତ୍ୟ ସୋଧକ ସମାଜ ପ୍ରତିଷ୍ଠା କରି ଆଜିର ଭାରତରେ ସେ ଆନ୍ଦୋଳନ ଓ ସାମାଜିକ ସୁଧାର କ୍ଷେତ୍ରରେ ଏକ ପ୍ରେରଣାର ଉତ୍ସ ଭାବେ ସଦା ପୂଜ୍ୟ ହୋଇ ରହିବେ l ଆଜି ପୂଜ୍ୟ ପୂଜା ସମିତି ପକ୍ଷରୁ ଆୟୋଜିତ ସ୍ମରଣ ସଭାରେ ଅତିଥି ଭାବେ ମାନବବାଦୀ ହେତୁବାଦୀ କେ.ନନ୍ଦେଶୁ ସେନାପତି ,ପୂର୍ବତନ ପ୍ରଧାନ ଶିକ୍ଷକ ବିଜୟ ଚନ୍ଦ୍ର ବିଶୋଇ,ପୂର୍ବତନ ପ୍ରଧାନ ଶିକ୍ଷୟତ୍ରୀ କୁନି ଦେବୀ, ଶିକ୍ଷକ ସଙ୍ଗଠନ ନେତା ଅଶୋକ କୁମାର ଦଳାଇ,ଆଇନଜୀବି ଅବନୀ ଗୟା ଯୋଗ ଦେଇଥିଲେ l ଶେଷରେ ସମିତି ସମ୍ପାଦକ ଏସ. ସାମ୍ବସିବା ରାଓ ଧନ୍ୟବାଦ ଜଣାଇଥିଲେ l
