ବିଷ୍ଣୁ ମହାନ୍ତି ଙ୍କ ବିୟୋଗ ରେ ମିନାକ୍ଷୀ ଧର ଫାଉଣ୍ଡେସନ ପକ୍ଷରୁ ଶୋକସଭା
ରାଉରକେଲା,- ରାଉଲକେଲା ତଥା ଓଡ଼ିଶାର ର ବିଶିଷ୍ଟ ସାଲିସ ବିହୀନ ଶ୍ରମିକ ନେତା ବିଷ୍ଣୁ ଚରଣ ମହାନ୍ତିଙ୍କ ବିୟୋଗରେ ମିନାକ୍ଷୀ ଧର ଫାଉଣ୍ଡେସନ ପକ୍ଷରୁ ଏକ ଶୋକସଭା ଆଜି ସକାଳେ ଅନୁଷ୍ଠିତ ହୋଇଥିଲା l ଫାଉଣ୍ଡେସନ ର ପ୍ରତିଷ୍ଠାତା ଇଂ ନଳିନୀ କାନ୍ତ ଧର ଙ୍କ ଆବାହକତ୍ୱରେ ଆୟୋଜିତ ସଭାରେ ସମାଜସେବୀ ଡ଼. ସୁମନ ଦତ୍ତ ଅଧ୍ୟକ୍ଷତା କରିଥିଲେ l ଅନ୍ୟ ମାନଙ୍କ ମଧ୍ୟରେ ଆରଏସପି ର ଅବସରପ୍ରାପ୍ତ ଡିଜିଏମ ଚନ୍ଦ୍ର ଶେଖର ଶତପଥି, ସାହିତ୍ୟିକ ଅଶୋକ ପଟ୍ଟନାୟକ, ସାମ୍ବାଦିକ କୁଞ୍ଜ ବିହାରୀ ରାଉତ, ବିବେକାନନ୍ଦ ଦାସ, ସଂଗୀତ ଶିଳ୍ପୀ ଶ୍ରୀମତୀ ସ୍ମିତା ମିଶ୍ର, ସୁନୀଲ ମହାନ୍ତି ପ୍ରମୁଖ ଯୋଗ ଦେଇ ସ୍ବର୍ଗତ ମହାନ୍ତି ଙ୍କ ସ୍ମୃତି ଚାରଣ କରିଥିଲେ l ତାଙ୍କ ବିୟୋଗରେ ରାଉରକେଲା ର ଜନ ଜୀବନରେ ରେ ଏକ ଶୂନ୍ୟସ୍ଥାନ ସୃଷ୍ଟି ହୋଲା । ସେ ଛାତ୍ର ଜୀବନ ରୁ କ୍ରମାଗତ ଶ୍ରମିକ ଓ ଗରିବ ଜନସାଧାରଣ ଙ୍କ ପାଇଁ ସଂଗ୍ରାମ ଜାରି ରଖି ଆସିଥିଲେ। ଇଶ୍ୱରଙ୍କ ନିକଟରେ ତାଙ୍କ ଅମର ଆତ୍ମାର ସଦଗତି କାମନା କରି ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା l ତାଙ୍କ ପରିବାର ବର୍ଗ ଙ୍କୁ ଇଶ୍ୱର ଯଥେଷ୍ଟ ଧର୍ଯ୍ୟ ଓ ସାହସ ଜୁଟାଇ ଦେବା ପାଇଁ ପ୍ରାର୍ଥନା କରା ଯାଇଥିଲା l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
