ବାପାଙ୍କର ଏକ ମାତ୍ର ରୋଜଗାରିଆ ପୁଅର ଟ୍ରେନ୍ ଦୁର୍ଘଟଣାରେ ମୃତ୍ୟୁ
ଖଇରା,୧୦/୪/୨୪- ବାଲେଶ୍ଵର ଜିଲ୍ଲା ଖଇରା ଥାନା ବର୍ତ୍ତନା ପଞ୍ଚାୟତର ପଦୁନା ଗ୍ରାମ । ଏହି ଗ୍ରାମର ଫକୀର ମତ୍ତଗଜଙ୍କ ପୁତ୍ର ଜୀବନ କୁମାର ମତ୍ତଗଜ ଯାହାଙ୍କ ବୟୟ ୨୪ ବର୍ଷ । ଘରର ଏକମାତ୍ର ପୁତ୍ର ଜୀବନ କୁମାର +୨ ପାସ୍ କଲା ପରେ ବାଙ୍ଗାଲୋରରେ ଏକ ଘରୋଇ କମ୍ପାନୀରେ 
କାମ କରୁଥିଲା । ଗ୍ରାମରେ ହେଉଥିବା ବିଶ୍ବଶାନ୍ତି ମହାଯଜ୍ଞ ପାଇଁ ଘରକୁ ଆସୁଥିବା ବେଳେ ଆନ୍ଧ୍ରପ୍ରଦେଶର ବିଜୟନଗରମ ନିକଟବର୍ତ୍ତୀ ଏକ ସ୍ଥାନରେ କେହି ଦୃର୍ବୁତ୍ତ ତାଙ୍କୁ ଚଳନ୍ତା ଟ୍ରେନରୁ ଠେଲି ଦେଇଥିବାରୁ ତା ୦୯/୪/୨୪ ରିଖ ଦିନ ସେଠାରେ ତାଙ୍କର ମୃତ୍ୟୁ ହୋଇଥିବା ଖବର ପରିବାର ଲୋକଙ୍କ ପାଖରେ ପହଞ୍ଚିଥିଲା । ଏ ଖବର ପ୍ରଚାରିତ ହେବା ପରେ ଗ୍ରାମ ତଥା ଅଞ୍ଚଳରେ ଶୋକରଛାୟା ଖେଳି ଯାଇଛି । ଜୀବନ କୁମାରଙ୍କ ବାପା ଜଣେ ସଙ୍ଗୀତଜ୍ଞ ହୋଇଥିବାରୁ ସେ ମଧ୍ୟ ବାପାଙ୍କ ଠାରୁ ସଙ୍ଗୀତ ଶିକ୍ଷା କରି ଜଣେ ଉଚ୍ଚକୋଟୀର ସଙ୍ଗୀତ କଳାକାର ଥିଲେ । ନିଜର ସୁନ୍ଦର ସଙ୍ଗୀତ ପରିବେଷଣ ମାଧ୍ୟମରେ ବହୁ ଅନୁଷ୍ଠାନରୁ ମଧ୍ୟ ପୁରସ୍କୃତ ହୋଇଥିଲେ ଜୀବନ କୁମାର । ରେଳବାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି । ତଦନ୍ତ ପରେ ଘଟଣାର ପ୍ରକୃତ କାରଣ ଜଣାପଡିବ ବୋଲି ଆଶା କରାଯାଉଛି । ମୃତଦେହ ଆଣିବା ନିମନ୍ତେ ଗ୍ରାମବାସୀଙ୍କ ସମେତ ପରିବାର ଲୋକେ ଘଟଣା ସ୍ଥଳ ଆନ୍ଧ୍ରପ୍ରଦେଶ ଯାଇଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
