ବାପା

ରଚନା -ଶ୍ରୀ ବିଦ୍ୟାଧର ମହାନ୍ତ

           ତମ୍ବାହରା, କେନ୍ଦୁଝର

 

ବାପା!ମୋ ବାପା

ତୁମେତ ମୋର ସରଗୁ ବଡ

         କୁହ ମଧୁର କଥା (0)

ମୋ’ପାଇଁ ତୁମେ ସ୍ୱର୍ଗ ଦେବତା 

       ମୋ’ପାଇଁ ଜଗନ୍ନାଥ

କେତେ କୋମଳ କେତେ ସୁନ୍ଦର

       କେତେ ସୁନ୍ଦର ହାତ |1|

 

କାମେ କଠୋର ଭାଷା ମଧୁର

        ହୃଦୟ ସ୍ନେହ ଭରା

ବିପଦ ହେଲେ ହୁଅନ୍ତି ଠିଆ

      ସେ ସାହାସାଥୀ ପରା |2|

 

ମୋ ବାପା ଥିଲେ ନାହିଁ ମୋ ଡର

         ଚାଲେ ସୁନା ସଂସାର

ବାପା ନ ଥିଲେ ନିମିଷେ ହୁଏ

        ଘରଟା ଛାରଖାର |3|

 

ଆମ ଘରର ବାପା ମାଲିକ

      ତାଙ୍କ ହକିମେ ଚଳେ

ଆମ ଘରର ସବୁ ବୁଝନ୍ତି

       ସରଗୁ ସୁଧା ଝରେ |4|

 

ବାପା ହାତରେ ପିଲାଏ ଆମେ

        ଧରୁ ନବୀନ ରୂପ

କଠିନ ହୋଇ ଗୋଲାପ ରୂପେ

      ଦେଖାନ୍ତିସେ ସ୍ୱରୂପ |5|

 

ବାପା ମାଆଙ୍କ ସ୍ନେହ ଆଦର

       ଅମୃତ ପରି ଲାଗେ

କରୁଣା ଭରା ସ୍ୱର୍ଗ ତ୍ରିଧାରା

    ସଦା ଆଶିଷ ମାଗେ |6|

 

ହୋଇଲେ ଦୁଷ୍ଟ କଠୋର ରୂପେ

         ଦେଖାନ୍ତି ଭଲ ବାଟ

ଅବାଧ୍ୟ ହେଲେ ସୁମାର୍ଗ ପାଇଁ

      ହାତେ ଧରନ୍ତି ଛାଟ |7|

 

ନ ଥିଲେ ଖାଦ୍ୟ ଆଣନ୍ତି ଖୋଜି

      ଆହାର ଦେଇ ମୁଖେ

ସୁନା ସଂସାରେ ରହନ୍ତି ବାପା

       ଆନନ୍ଦ ମନେ ସୁଖେ |8|

 

ମୋ’ବାପା ମୋତେ ପଢ଼ାନ୍ତି ପାଠ

      ସ୍କୁଲ କଲେଜ ନେଇ

ଯାବତ ଖର୍ଚ୍ଚ ବୁଝନ୍ତି ନିଜେ

      ସବୁ ଖରଚ ଦେଇ |9|

 

ସକାଳୁ ଉଠି ଖଟନ୍ତି ବିଲେ

       ଯୋଚି ବଳଦ ହଳ

ଭଳିକି ଭଳି ବିହନ ବୁଣି

       ବଢ଼ାନ୍ତି ଆମ ବଳ |10|

 

ସଭା ସମିତି ଗାଆଁର କଥା

       ବୁଝନ୍ତି ମୋହ ବାପା

ଭାର ମୁଣ୍ଡେଇ ମୁଣ୍ଡାନ୍ତି ପୁଣି   

       ଘର ସଂସାର ଚାପା |11|

 

ବନ୍ଧୁ ବାନ୍ଧବ ଛୁଆ ପିଲାଙ୍କ

       ସକଳ କଥା ଶୁଣି

ସବୁ ସମସ୍ୟା କରନ୍ତି ଦୂର

      ଆନନ୍ଦ ଧାରା ବୁଣି |12|

 

ଶୋଇ ନ ଶୋଇ ସକଳ କାମ

      କରନ୍ତି ଗୋଟି ଗୋଟି

ମାନ ସମ୍ମାନ ଜଗି ଚଳନ୍ତି

       ସୁନ୍ଦର କୋଟି କୋଟି |13|

 

ମୋବାପା ପରି ସଭିଙ୍କ ବାପା

      ଦୁଃଖ କଷଣ ସହି

ପିଲାଙ୍କ ଭାର ମୁଣ୍ଡାଇ ଥାନ୍ତି

       ଘର ସଂସାରେ ରହି |14|

 

ଆମ ଘରର ମୁରବି ବାପା

     ତାଙ୍କୁକୋଟି ପ୍ରଣାମ

ବାପାଙ୍କ ମନେ ନ ଦେବ ଦୁଃଖ

     ରଖିବ ଯଦି ନାମ |15|

********ସମାପ୍ତ ************

ଶ୍ରୀ ବିଦ୍ୟାଧର ମହାନ୍ତ