ସମ୍ପର୍କ
ସମ୍ପର୍କତ ଶରୀର ମନର ନୁହଁ
ନିଷ୍କପଟ ଆତ୍ମାର ମିଳିନ
ବେଦନାର ବେଦଧ୍ୱନୀ ବିରହର
ବାତ୍ସ୍ନା ପୁଣି ଧୈର୍ଯ୍ୟ ଆକଳନ
ମିଳନର ମୁକ୍ତଛନ୍ଦ ବିଶ୍ୱାସର ମୁଖବନ୍ଧ
ସତ୍ୟ ଶିବ ଚିର ସନାତନ
ଅଶ୍ରୁର ଅମୃତସ୍ପର୍ଶ ଭାବନାର ଜୀବନ୍ୟାସ
ଦାମ୍ଭିକ ଦମ୍ଭର କେତନ ।
ମଙ୍ଗଳ ଆରତୀ ସଜଫୁଟା ସ୍ମୃତି
ପବିତ୍ର ଗୀତାର ଗୀତି
ଭୂରୁ ଭୂରୁ ଭାବାବେଗ ଯୁଗଳ ଅନୁରାଗ
ମଧୁମୟ ମହାର୍ଘ ବିଭୂତି ।
ପୂର୍ଣ୍ଣିତମ ପ୍ରୀତି ଜ୍ୟୋସ୍ନାମୟ ରାତି
ସୌମ୍ୟ ରମ୍ୟ ବୂନ୍ଦାବନ
କୈବଲ୍ୟ କଣିକା ଶ୍ରଦ୍ଧାର ମାଳିକା
କମ୍ର ନନ୍ଦନ କାନନ ।
ନାହିଁ ଦୂନ୍ଦ ଛଟା ନାହିଁ ଘନଘଟା
ସ୍ୱଚ୍ଛ ଶୁଭ୍ର ନମ୍ର ସମର୍ପଣ
ମିଳନର ମଧୁରାତି ବସନ୍ତ ବାସନ୍ତୀ ଗୀତି
ରାଧାକୃଷ୍ଣ ପ୍ରେମର ଦର୍ପଣ ।
କାଙ୍ଗାଳୀଚରଣ ସେଠୀ
ସିନିଅର ମ୍ୟାନେଜର,ରିଟାଏଡ
ଓଡିଶା ଗ୍ରାମ୍ୟ ବ୍ୟାଙ୍କ
ଯାଜପୁର
