ତେନ୍ତୁଳିଖୁଣ୍ଟି ୦୫/୦୯/୨୨ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ରେ ଆଜି ବ୍ଲକ ସ୍ତରୀୟ ଗୁରୁ ଦିବସ ପାଳିତ ହୋଇଯାଇଛି। ମୂଖ୍ୟ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ବୀରେନ୍ଦ୍ର ପାଢୀ ଯୋଗ ଦେଇଥିବା ବେଳେ ଏ ବି ଇ ଓ ମୋହନ ମଧୁସୂଦନ ବାଘ ସଭାପତିତ୍ୱ କରିଥିଲେ। ମହେନ୍ଦ୍ର ସାମନ୍ତରାୟ କାର୍ଯ୍ୟକ୍ରମ ପରିଚାଳନା କରିଥିଲେ। ଅନ୍ୟ ମାନଙ୍କ ମଧ୍ୟରେ ଏ ବି ଇ ଓ ରମେଶ ଟାକ୍ରୀ,ହେଲେନ ଇସବେଲ ସୁନା ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି କ୍ଷେତ୍ର ମୋହନ ବିଶୋଇ,ସମ୍ପାଦକ ପ୍ରଦୀପ ସୁନା ମଞ୍ଚାସିନ ଥିଲେ। ଚଳିତ ବର୍ଷ ର ତିନିଟି ଆଦର୍ଶ ବିଦ୍ୟାଳୟ ଓ ତିନିଜଣ ଆଦର୍ଶ ଶିକ୍ଷକ ଙ୍କୁ ପୁରସ୍କୃତ କରାଯାଇଛି। ଉଚ୍ଚ ବିଦ୍ୟାଳୟ ବର୍ଗରେ ତେନ୍ତୁଳିଖୁଣ୍ଟି ସ୍ଥିତ ବାପୁଜି ସରକାରୀ ଉଚ୍ଚ ବିଦ୍ୟାଳୟ ତରଫରୁ ପ୍ରଧାନ ଶିକ୍ଷକ ଉମର ସିଂ ନାୟକ ,ଉଚ୍ଚପ୍ରାଥମିକବିଦ୍ୟାଳୟ ବର୍ଗରେ ଅଂଚଳଗୁମ୍ମା ଗ୍ରାମ ପଞ୍ଚାୟତ ର ଚିତ୍ରକୋଟ ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ ପାଇଁ ପ୍ରଧାନ ଶିକ୍ଷୟତ୍ରୀ ସୁଶିଳା ରଥ ଗ୍ରହଣ କରିଥିଲେ। ପିଲିବସିନୀ ପ୍ରାଥମିକ ବିଦ୍ୟାଳୟ ର ଲକ୍ଷ୍ମଣ ବିଶୋଇ ଗ୍ରହଣ କରିଥିଲେ। ସେହିଭଳି ଉଚ୍ଚ ବିଦ୍ୟାଳୟ ବର୍ଗରେ ଦିବ୍ୟ ହୃଦୟ ବାଳିକା ଉଚ୍ଚ ବିଦ୍ୟାଳୟ ର ଶିକ୍ଷୟତ୍ରୀ ଇନ୍ଦିରା ପଟନାୟକ, ପୂଜାରିଗୁଡା ଉନ୍ନୀତ ଉଚ୍ଚ ବିଦ୍ୟାଳୟ ର ଜ୍ୟୋତ୍ସା ରାଣୀ ପଟ ନାୟକ, ପରଜା ବାରଙ୍ଗ ପଦର ଉଚ୍ଚ ପ୍ରାଥମିକ ବିଦ୍ୟାଳୟ ର ସଂଯୁକ୍ତା ବେହେରା ପୁରସ୍କୃତ ହୋଇଥିଲେ। ଶିକ୍ଷକ ମାନେ ସମାଜ ର ଦର୍ପଣ ସେମାନେ ହିଁ ଉତ୍ତମ ସମାଜ ଗଠନ କରି ରାଷ୍ଟ୍ର ଗଠନ କରିଥାନ୍ତି। ଗୁରୁଙ୍କ ଭୂମିକା ମହତ୍ୱପୂର୍ଣ୍ଣ ବୋଲି ବକ୍ତାମାନେ ମତ ରଖିଥିଲେ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି