ରାଇଘର (ମ ନି ସ )୫/୯- ନବରଙ୍ଗପୁର ଜିଲ୍ଲା ରାଇଘର ବ୍ଲକର ୨୬ ଗୋଟି ପଞ୍ଚାୟତରେ ଉନ୍ନୟନ କାର୍ଯ୍ୟ ଜାରୀ ରହିଥିବା ବେଳେ ଅଧିକାଂଶ ପଂଚାୟତରେ ନିମ୍ନ ମାନର ସାମଗ୍ରୀ ବ୍ୟବହାର ସହ ସୂଚନା ଫଳକରେ କୈଣସି ତଥ୍ୟ ଦର୍ଶା ଯାଇ ନ ଥିବା ଯୋଗୁଁ ବର୍ତମାନ୍ ଉନ୍ନୟନ କାର୍ଯ୍ୟକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଅଞ୍ଚଳବାସୀ l ସୀମାନ୍ତ ତଥା ଅପହଞ୍ଚ ଇଲାକା ହୋଇଥିବାରୁ ଜିଲ୍ଲା ସ୍ତରୀୟ ଅଧିକାରୀଙ୍କ ତଦାରଖ ଅଭାବ ସ୍ଥାନୀୟ ଠିକାଦାର ଓ ପ୍ରସାଶନିକ ମଧୁ ଚନ୍ଦ୍ରିକା ଯୋଗୁଁ ଉନ୍ନୟନ କାର୍ଯ୍ୟ ଠପ୍ ହୋଇ ପଡିଛି l ରାଇଘର ବ୍ଲକର ସୀମାନ୍ତ କଚରାପାରା ୩ ପଂଚାୟତ କାର୍ଯ୍ୟାଳୟ ପରିସରରେ ଏକ ଗୃହ ନିର୍ମାଣ କରାଯାଉ ଥିବା ବେଳେ ଏହା କେଉଁ କାର୍ଯ୍ୟ ହେଉଛି କେଉଁ ବିଭାଗ ସହ କେତେ ଟଙ୍କା ବ୍ୟୟରେ ଗୃହ ନିର୍ମାଣ ହେଉଛି କେହି ଅବଗତ ନ ଥିବା ବେଳେ ଉକ୍ତ ଗୃହ କାର୍ଯ୍ୟରେ ନିମ୍ନ ମାନର ସାମଗ୍ରୀ ଚିପ୍ସ ବ୍ୟବହାର କରାଯାଉ ଥିବା ଅଭିଯୋଗ ହୋଇଛି l ଏଥି ସହ ଗୃହ ନିର୍ମାଣ ସମୟରେ ବିଭାଗୀୟ ଅଧିକାରୀଙ୍କ ତଦାରଖ ଅଭାବରୁ ଏଭଳି ସମସ୍ୟା ଦେଖା ଦେଇଥିବା ଜଣାପଡିଛି l ଅନ୍ୟପଟେ ଉନ୍ନୟନ କାର୍ଯ୍ୟ ଆରମ୍ଭ ସମୟରେ ସୂଚନା ଫଳକରେ ସମସ୍ତ ବିବରଣୀ ଦର୍ଶାଇବା ନିୟମ ରହିଥିବା ବେଳେ କାର୍ଯ୍ଯ ଶେଷ ହେବାକୁ ବସିଲାଣି କିନ୍ତୁ ସୂଚନା ଫଳକରେ ତଥ୍ୟ ଦିଆ ଯାଇ ନାହିଁ l ଅନ୍ୟପଟେ ଦୁର୍ଗମ ତଥା ଅପହଞ୍ଚ ଇଲାକାର ଲୋକେ ରାଜ୍ୟ ସରକାରଙ୍କ ତରଫରୁ ହେଉଥିବା ଉନ୍ନୟନ କାର୍ଯ୍ୟ ସମ୍ପର୍କରେ ଅବଗତ ହେଉ ନ ଥିବା ବେଳେ ବିଭାଗୀୟ ଅଧିକାରୀ ଏଥି ପ୍ରତି ଗୁରୁତ୍ବ ଦେବା ଆବଶ୍ୟକତା ରହିଛି l କାର୍ଯ୍ୟର ଅଟକଳ ମୁଲ୍ୟ ସହ କେଉଁ ବିଭାଗ ଦ୍ୱାରା କାର୍ଯ୍ୟ ହେଉଛି ଏହା ସମସ୍ତଙ୍କର ଜାଣିବା ଅଧିକାର ରହିଥିବା ବେଳେ କାର୍ଯ୍ୟ ଶେଷ ପରେ ଦର୍ଶା ଯାଉଛି l ବ୍ଲକ୍ ପ୍ରଶାସନ ଓ ଜିଲ୍ଲା ପ୍ରଶାସନ ଏଥି ପ୍ରତି ସ୍ବତନ୍ତ୍ର ଦୃଷ୍ଟି ଦେଇ ଦୁର୍ଗମ ଅଂଚଳରେ ଜାରୀ ରହିଥିବା ଉନ୍ନୟନ କାର୍ଯ୍ୟର ସ୍ବତନ୍ତ୍ର ତଦାରଖ ହେବା ସହ ସମସ୍ତ ଉନ୍ନୟନ କାର୍ଯ୍ୟ ସ୍ଥଳରେ ସୂଚନା ଫଳକରେ ତଥ୍ୟ ଦର୍ଶାଇବାକୁ ଦାବୀ ହୋଇଛି l ଉକ୍ତ ଗୃହ ନିର୍ମାଣ କାର୍ଯ୍ୟର ସ୍ବତନ୍ତ୍ର ଭାବେ ତଦନ୍ତ ହେଉ ବୋଲି ଦାବୀ ହୋଇଛି l ଅନ୍ୟପଟେ କଚରାପାରା ୩ ପଂଚାୟତ ଏକ ଛତିଶଗଡ ସୀମାନ୍ତ ଅଂଚଳ ହୋଇଥିବା ଯୋଗୁଁ କାର୍ଯ୍ୟ ସ୍ଥଳରେ ବିଭାଗୀୟ ଅଧିକାରୀଙ୍କ ଦେଖା ମିଳୁ ନାହିଁ l ନିମ୍ନ ମାନର ଚିପ୍ସ ସହ ନିମ୍ନ ମାନର ସାମଗ୍ରୀ ରେ ଉକ୍ତ କାର୍ଯ୍ୟ ହେଉଛି l ଘଟଣା ସମ୍ପର୍କରେ ଗୋଷ୍ଠୀ ଉନ୍ନୟନ ଅଧିକାରୀ ଦେବେନ୍ଦ୍ର ପ୍ରସାଦ ବଳଙ୍କୁ ପଚାରିବାରୁ ଘଟଣା ସ୍ଥଳରେ ଯାଇ ତଦାରଖ କରିବି ବୋଲି ପ୍ରକାଶ କରିଛନ୍ତି l ଅପରପକ୍ଷରେ ରାଇଘର ବ୍ଲକରେ ଲଗାତାର ଭାବେ ବିଭିନ୍ନ ଉନ୍ନୟନ କାର୍ଯ୍ୟ ସ୍ଥଳରେ ସୂଚନା ଫଳକ ନ ଦର୍ଶାଇ କାର୍ଯ୍ୟ କରିବା ସହ ଉନ୍ନୟନ କାର୍ଯ୍ୟ ସ୍ଥଳରେ ବିଭାଗୀୟ ଅଧିକାରୀଙ୍କ ଅନୁପସ୍ଥିତି କୁ ନେଇ କାର୍ଯ୍ୟର ସ୍ଥାୟୀତ୍ବ କୁ ନେଇ ପ୍ରଶ୍ନ ଉଠିଛି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ