କଲମ
ମନ କଲମକୁ ଲୁହରେ ଭିଜାଇ
ଚିଠି ମୁଁ ଲେଖୁଛି କେତେ
ଆହେ ଚକାଆଖି ତୁମ ଦୟା ହେଲେ
ଖୋଲିକି ପଢ଼ିବ ସତେ
ମନ କଲମକୁ……………୧
ଦୟାର ସାଗର କାହିଁକି ନିଷ୍ଠୁର
କି ଦୋଷ କରିଛି କୁହ
ମନ ପ୍ରାଣ ଦେଇ ଭକ୍ତି କରିଥିଲି
କେଉଁ ଉପହାର ଦିଅ
ଦୀନ ଦୁଃଖୀ ମୁହିଁ କି ଦୁଃଖ କହିବି
ବୁଝିବକି ତୁମେ ସତେ
ମନ କଲମକୁ……………୨
ଭାବିଛକି ମନେ ଦୁଃଖ ଦେଇ ମୋତେ
ସୁଖ ତୁମେ ପାଉ ଅଛ
ଯେତେ ଦୁଃଖ ଅଛି ସଂସାର ଭିତରେ
ସବୁ ଭାଗ୍ୟରେ ଲେଖିଛ
ପ୍ରାଣ ଚାଲିଯାଉ କିଛି ଲୋଡା ନାହିଁ
କ୍ଷମା କର ଥରେ ମୋତେ
ମନ କଲମକୁ ଲୁହରେ ଭିଯାଇ
ଚିଠି ମୁଁ ଲେଖୁଛି କେତେ…………୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର