ମୃତ୍ୟୁ
କୈଳାସ ଚ଼ନ୍ଦ୍ର ପାଢ଼ୀ
ମୃତ୍ୟୁ !
ମହାକାଳ !!
ଉଦ୍ଦୀପ୍ତ- ଚେତନାର
ଝଲମଲ-
ଅମ୍ଳାନ ଇଶ୍ବର ।।
ମୁଁ ଅପେକ୍ଷା କରିଛି
ପ୍ରତିଟି ମୁହୂର୍ତ୍ତ
କର୍ଣ୍ଣ ଡେରିଛି
ଶୁଣିବାକୁ ତୁମ
ବାଙ୍ମୟ-ସଂଗୀତ ।।
ତୁମେ
ଯେତେବେଳେ
ଆସନା କାହିଁକି
ଯେଉଁ ମୁହୂର୍ତ୍ତରେ
ଆସନା କାହିଁକି
ମୁଁ———-
ସଜାଗ ଅଛି
ତୁମରି ବନ୍ଦନା ପାଇଁ
ଜାଗ୍ରତ ଅଛି ।
କାରଣ-
ତୁମ ସ୍ପର୍ଶରେ
ମୁଁ————
ପାଇବି ମୁକ୍ତି
ତୁମ ସ୍ପର୍ଶରେ
ମୁଁ—————
ହୋଇଯିବି
ପବିତ୍ର ଶ୍ଳୋକର-ସୂକ୍ତି
ତୁମ ସ୍ପର୍ଶରେ
ସ୍ବାକ୍ଷରିତ ହେବ ମୋର
ଆଉ ଏକ ଜନ୍ମର ଚ଼ୁକ୍ତି
ତେଣୁ——
ତୁମପ୍ରତି ମୋର
ଏ ଗଭୀର ଅନୁରକ୍ତି ।।
ମୃତ୍ୟୁ !
ତୁମେ ସ୍ଥିତି ର ଅସ୍ଥିତି
ସ୍ମୃତିର-ବିସ୍ମୃତି
ଭୂତି ର ବିଭୂତି
ଆହୂତି ର ହୂଚି
ଅତୃପ୍ତି ର ତୃପ୍ତି
ଅଶାନ୍ତି ର ଶାନ୍ତି
କଳ କଳ ଛଳଛଳ
କରୁଣାର
ପ୍ରେମମୟ ମୂର୍ତ୍ତି ।।
ମୃତ୍ୟୁ !
ତୁମେ ଅଜ୍ୟୋତିର-
ଜ୍ୟୋତି
ଅରାତିର-ରାତି
ଗତିର-ସଂଗତି
ପ୍ରୀତିର-ସଂପ୍ରୀତି
ତେଣୁ—-
ମୋ…
ଜୀବନ-ଅଗଣାରେ
ତୁମେ ହିଁ ତ ଶରତର-
ଶୁଭ୍ର-ଜ୍ୟୋତ୍ସ୍ନାରାତି ।।
କୁମାର ପୁର।ଅନନ୍ତ ପୁର।
ବାସୁଦେବପୁର।ଭଦ୍ରକ।
