ହଜିଲା ଦରବ:–୨
ଦିଲ୍ଲୀପ କୁମାର ନନ୍ଦୀ
ଲୁଚି ଆସିଲାଣି ବର୍ଣ୍ଣବୋଧ ବହି
ବୁଡ଼ି ତ ଗଲାଣି ସିଲଟ
ଫୁଲଖଡ଼ିକୁ ତ ପଚାରୁଛି କିଏ
ଉଠିଲାଣି ଚ଼ାଟଙ୍କ ଠୁ ଛାଟ।।
କାଠି କଲମଟା ଗଲାଣି ତ ହଜି
ଝୁରି ମଲା ଝର କଲମ
କାଳି ଦୁଆତଟା ସମାଧି ନେଲାଣି
ଅଜାଙ୍କ ଫତେଇ ଢିଲା ମ।।
ରଙ୍ଗବତୀଟା ତ ରଙ୍ଗ ପାଇଁ ଝୁରେ
ସିନ୍ଦୂର ବଦଳେ ଟିକିଲି
ଓଢ଼ଣି ଘୋଢ଼ଣି ଲାଜ ବୁଡ଼ିଲାଣି
ଦେଢ଼ଶୁର ସାଂଗେ ଚୁଗୁଲି।।
ଘମ ନନ୍ଦିଆ ତ ଖପରା ହେଲାଣି
ସିନ୍ଦୁକଟା ଚୁଲି ସନ୍ଧିରେ
ଅମାର ଖମାର ଖଳା ଦିଶୁନାହିଁ
ଆହାଃ କି ବିଜ୍ଞାନି ବୁଦ୍ଧିରେ।।(ବିଜ୍ଞାନ-ବିଗତ ଜ୍ଞାନ)
ବୃକ୍ଷ ତରୁ ଲତା ଧ୍ୱଂସ ହୋଇଲାଣି
କଂକ୍ରିଟ ଜଙ୍ଗଲ ଖୁନ୍ଦି ହେ
ହା ଅନ୍ନ ହା ଅନ୍ନ ଶୁଭି ଆସିଲାଣି
କର୍ଣ୍ଣ ଡେରି ଶୁଣ ଶୁଦ୍ଧି ହେ।।
କାଏମା, ଧର୍ମଶାଳା, ଯାଜପୁର
