ଛବିବହି 

      ରାଗ (କାଳୀ )

କେତେ ସୁନ୍ଦର ମୋ ଛବି ବହି

     ମୋହିନିଏ ମୋ ମନ

ଭଳିକି ଭଳି ଛବିରେ ଭରା

     ଛବି ଅମୂଲ୍ୟ ଧନ |1|

 

ହେଲେହଁ ଛୋଟ ଛବି ବହିଟି

      ଏହା ଲକ୍ଷେ ରତନ

ଏହି ବହିରେ ରହିଛି ପରା

       ମୋହ ଜୀବନ ଧନ |2|

 

ଏହି ବହିଟି ମଣିଷ କଲା

       ଦେଇଛିକେତେ ଶିକ୍ଷା

ଗୁରୁଙ୍କ ସ୍ନେହ ଆଶିଷ ଭରା

       ମୋପାଇଁ ମହାଦୀକ୍ଷା |3|

 

ଅ ଆ ଠାରୁତ ଆରମ୍ଭ କରି

       ପୋଥିପୁରାଣ ଯାଏ

ଦେଇଛି ଶିକ୍ଷା ଭୁଲିବି ନାହିଁ

       ଜୀବନ ଥିବାଯାଏ |4|

.

ବଡ ହେବାରୁ ପଢ଼ିଲି ପାଠ

      ଭୂଗୋଳ ଇତିହାସ

ଗଣିତ ଶାସ୍ତ୍ର ବିଜ୍ଞାନ ବହି

        ସାହିତ୍ୟ ସୁପ୍ରକାଶ |5|

 

ଛବି ବହିର ପ୍ରତ୍ୟେକ ଛବି

       ମୋପାଇଁ ମୂଲ୍ୟବାନ

ମୋ ହୃଦୟରେ ଆଙ୍କି ହୋଇଛି

        ଦିଶେଜାଜୁଲ୍ୟମାନ |6|

 

ଦିନରେ ସୂର୍ଯ୍ୟ ରାତିରେ ଚନ୍ଦ୍ର

      ଉଦୟ ଅସ୍ତ ଯାଏ

ମନରେ ଥିବ ଉଜ୍ଜଳ ହୋଇ

      ଅଭୁଲା ଜ୍ଞାନ ହାଏ |7|

 

ଆଜି ଯେବେ ମୁଁ କବିତା ଲେଖେ

         କିଅବା ଉପନ୍ୟାସ

କିବା ସାହିତ୍ୟ ପଥିକ ହେଲି

       ତା ଛବିର ପ୍ରକାଶ |8|

 

ଛବିବହିକୁ ଶତ ପ୍ରଣାମ

       ଅଭୁଲା ଏହାମାନ

ଏହାର ସ୍ମୃତି ଅଲିଭା ଗାର

     ଶିକ୍ଷା ଜ୍ଞାନ ବିଜ୍ଞାନ |9|

 

ଏହି ବହିଟି ଦେଇଛି ଜ୍ଞାନ

        ହେଲେବି କେତେ ସାନ

ଏହିବହିକୁ ଆଦର ସହ

        କରୁଛି ସସମ୍ମାନ |10|

ଶ୍ରୀ ବିଦ୍ୟାଧର ମହାନ୍ତ, ତମ୍ବାହରା

ହରି ଚନ୍ଦନ ପୁର, କେନ୍ଦୁଝର