ଜଣାଣ
ମାନଗୋବିନ୍ଦ ସ୍ବାଇଁ
କାଲି ଠାରୁ ପ୍ରଭୁ କର୍ମ କ୍ଷେତ୍ର ଯିବି
ମୋତେ କରିବ ସାହାଯ୍ୟ
ତୋ ନାମ ତୁଣ୍ଡରେ ତୋବାଲି ମୁଣ୍ଡରେ
ଶକ୍ତି ଦିଅ କରି ଧର୍ଯ୍ୟ।
ସ୍ନେହ ଶ୍ରଦ୍ଧା ଭକ୍ତି ହୃଦ ଭରି ଦିଅ
ସଭିଙ୍କୁ ରଖ ମଙ୍ଗଳ
ଏଇ ନୀତି ଧର୍ମ ସଭିଙ୍କ ଭିତରେ
ଜୀବନ ହେଉ ସଫଳ।
ରାଗ ହିଂସା କ୍ରୋଧ ମନୁ କାଢି ଦିଅ
ଭଲ ହେଉ ମନ ଶାନ୍ତି
ଶାନ୍ତ ବ୍ୟବହାର ଉତ୍ତମ ଗୁଣକୁ
ଜନ ପସନ୍ଦ କରନ୍ତି।
ମନ୍ଦ ଚିନ୍ତା ଖାଲି ମନୁ ମନ୍ଦ ଗୁଣ
କରି ଦିଅ ସବୁ ଦୂର
ଏତିକି ମାଗୁଣି କରୁଛି ପ୍ରଭୁ ହେ
ଶରଣ ତବ ପୟର।
ଏତେ ବାଟ ଆଣି ଲୋକ ହସା ନାହିଁ
ଯା ଆଦେଶ ତା କରିବି
ଯାହା ମୁଁ କହୁଛି ପରାଣ ଖାଉଛି
ପାଳନ ନିଶ୍ଚେ କରିବି।
ଆଦେଶ ଦେଉଛ ପାଳନ କରୁଛି
କେବେ କରିନାହିଁ ମନା
ଧର୍ଯ୍ୟ ବଳ ସବୁ ହୃଦେ ଭରି ଦିଅ
ଜୀବନ ହେଉ ସାଧନା।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
