ସୁରା ର ପିଆଲା ସାଜି
ଅବିନାଶ ମହାପାତ୍ର
ଶିହରଣ ଖେଳେ ଆଜିଵି ମନରେ
ଭାଵିଦେଲେ ତୁମ କଥା
ଗୁଞ୍ଜରିତ ହୁଏ ପାଦର ପାଉଁଜି
ପାଇଛି ଅନେକ ଵ୍ୟଥା। (0)
ପ୍ରୀତିର ପରଶେ ଭିଜେଇ ତନୁକୁ
ଵାଟଵଣା କଲ ମୋତେ
ନିୟତି ହରାଇ ଵୁଡିଗଲି ମୁଁ ଯେ
ଭାସିଗଲି ପ୍ରେମ ସ୍ରୋତେ। (୧)
ପ୍ରଶ୍ନବାଚୀ ହୋଇ ରହିଗଲ କାହିଁ
ସର୍ଵସ୍ୱାନ୍ତ ହୋଇ ଆଜି
ଚୋରା ବସନ୍ତର ମଳୟ ସମୀରେ
ସୁରାର ପିଆଲା ସାଜି।(୨)
ଆଖିର ଚାହାଣୀ କହୁଥିଲା କଥା
ସେଦିନ ଯାଇଛି ହଜି
ଶୁଷ୍କ ମରୁ ପରେ ଏକାକୀ ଚାହିଁଛି
ଥୁଣ୍ଟା ଗଛଟିଏ ସାଜି। (୩)
ଚାରୁ ଚିତ୍ରକଳା ତୁମରି ଆଖିରେ
ହୃଦୟେ ନଦୀର ସ୍ରୋତ
ମନର ଶିକୁଳି ଖୋଲା ଥିଲା ବୋଲି
ଧରିଥିଲି ତୁମ ହାତ ।(୪)
ନମନୀୟ ତୁମ ଗୋଲାପି ଓଠରେ
ଯାଦୁକରୀ ଶବ୍ଦ ତୋଳି
କ୍ଷତାକ୍ତ କରିଛ ଅଙ୍ଗର ପରଶେ
ନିଜେଵି ଯାଇଛ ଜଳି। (୫)
ଚିରସ୍ରୋତା ସାଜି ପ୍ରଖର ସୁଅରେ
ତୁମ ଲକ୍ଷ ପଥ ଧାରେ
ଭସାଇ ନେଇଛ ମୋ ମନ ଡଙ୍ଗାକୁ
ଫେରିଵକି ଆଉ ଥରେ। (୬)
ବୟାଙ୍ଗଡିହି,ଧାମନଗର,ଭଦ୍ରକ
