ହଜିଲା ଦରବ:—୩
ଦିଲ୍ଲୀପ କୁମାର ନନ୍ଦୀ
ବିଞ୍ଚୁଣି ଛାଞ୍ଚୁଣି କନ୍ଥିଲି ରେଜାଇ
ଆସନ ନାହିଁ କି ବୈଠିକି
ରୁଖା ଠଣା କଣା ଜଳକବାଟଟା
ପାରୁଛ ସତେ ସିକା ଦେଖି?୧?
ଢିଙ୍କିକୁଟା ଚ଼ୁଡ଼ା ଖାଉଛି ତ ହଡ଼ା
ବିହଳିଟା ତଣ୍ଟିରେ ଗଣ୍ଠି
ଘର ଭଜା ଡାଲି ଗଲାଣି ତ ଚାଲି
ଗୁଆ ଘିଅ କି ଅବା ସୁଣ୍ଠି।୨।
ସେ କାଳ ପଖାଳ ଗଲାଣି ତ ଚ଼ାଲି
ଆମ୍ବୁଲ ଜୁଆ ବରକୋଳି
ବାରି ଥିଲେ ସିନା ତୋଳିବ କାକୁଡ଼ି
ଲଅନରେ ରେଶମୀ ଦୋଳି।୩।
ବେଶର ସାକର ନାହିଁ କ୍ଷୀରି ପୁରୀ
ଘାଣ୍ଟଟା ତ ପୋଡ଼ି ଗଲାଣି
ସାହି ଭାଇ ବନ୍ଧୁ ଗୁଆ ବରଣିଟା
ଚୁଲିକୁ ତ ଚାଲି ଗଲାଣି।୪।
କାଏମା, ଧର୍ମଶାଳା, ଯାଜପୁର