ରଥ
ରଥ ଯାତରାରେ ଭକତ ଭିଡରେ
ବଡଦାଣ୍ଡେ ତୋର ଯିବି
ତୋ ରଥ ଦଉଡି ଆନନ୍ଦରେ ଭିଡି
ତୋର ନାମ ଗାଉଥିବି ।
ରଥ ଯାତରାକୁ ପୁରୀ କୁ ଯିବାକୁ
ମନେ ହେଉଅଛି ଭାବି
ନ ଲାଗିଲେ ଡୋରି ଯିବି କିବା ପୁରୀ
ଅଟଇ ବଡ ଅଭାବି ।
ଭାବ କୁ ନିକଟ ଅଭାବ କୁ ଦୂର
ଉଦାହରଣ ଟେ ଦେବି
ଭାବେ ବଳରାମ ବାଲି ରଥେ ବାନ୍ଧି
ରଖିଲା ଚରଣ ସେବି ।
ସାଲବେଗ ଡାକେ ରଥ ଅଟକିଲା
ଚାହେଁନା ତା ପରି ହେବି
ତୋ କରୁଣା ହେଲେ ଭକତଙ୍କ ମେଳେ
ତୋ ରଥ କୁ ଟାଣି ନେବି ।
ରଥରେ ବାମନ ରୂପ ଦରଶନ
ସତେ କିବା ମୁଁ କରିବି
ଏଡେ ଭାଗ୍ୟ ସତେ କପାଳେ ଅଛି କି
ଦେଖି ମୁହିଁ ତରିଯିବି ।
ପାପ ନେତ୍ର କିବା ପବିତ୍ର ହୋଇବ
ଭାବ ଭୋଳେ ଦେଖୁଥିବି
ତୁମ ରଥଯାତ୍ରା ହେ ବିଶ୍ବ କରତା
ସତେ କିବା ଦେଖି ଯିବି ।
ଶ୍ଯାମା ପ୍ରସାଦ୍ ବୋଷ୍
ବେଗୁନିଁଆ , ମଲ୍ଲୀକ୍ ସାହି
ଗୋପ୍ , ପୁରୀ
