ମ, ରାମପୁର,୨୮/୬( ମସୀହା): କଳାହାଣ୍ଡି ଜିଲ୍ଲା ମ, ରାମପୁର କୃଷି ସମବାୟ ସମିତି ସଭାପତି ଭାବରେ କୀର୍ତ୍ତନ ସାହୁ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି। ସଭାପତି ପଦ ପାଇଁ ତାଙ୍କ ବ୍ୟତୀତ ଆଉ କେହି ନାମାଙ୍କନ ପତ୍ର ଦାଖଲ କରି ନ ଥିଲେ । ଫଳରେ ସେ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି l ନିର୍ବାଚନ ଅଧିକାରୀ ଭାବରେ ସତ୍ୟ ନାରାୟଣ ସାହୁ ରହିଥିବା ବେଳେ ନାମାଙ୍କନ ପତ୍ର ପ୍ରଦାନ ସମୟ ରେ ମ. ରାମପୁର ପୂର୍ବତନ ସରପଂଚ ଚିତ୍ତ ରଞ୍ଜନ ବାଗ, ଆଶୋକ କୁମାର ପଟ୍ଟନାୟକ, ରୁଦ୍ର ପ୍ରତାପ ସିଂ ପ୍ରମୁଖ ଉପସ୍ଥିତ ରହିଥିଲେ l
ସେହିପରି ମୋହନଗିରି କୃଷି ସମବାୟ ସମିତି ସଭାପତି ଭାବରେ ବିଘ୍ନ ରାଜ ବିଶ୍ଵାଳ ମଧ୍ୟ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି l ଏହି ସମିତି ର ୧୪ଜଣ ଡାଇରେକ୍ଟର ଙ୍କ ସହମତି କ୍ରମେ ତାଙ୍କ ନାମାଙ୍କନ ପତ୍ର ଦାଖଲ କରାଯାଇଥିଲା l ତାଙ୍କ ପ୍ରସ୍ତାବକ ଭାବରେ ଅଶୋକ କୁମାର ପ୍ରଧାନ ଏବଂ ଉପେନ୍ଦ୍ର କର୍ମୀ ସମର୍ଥକ ରହିଥିଲେ । ନିର୍ବାଚନ ଅଧିକାରୀ ଭାବରେ ଗଜିନ୍ଦ୍ର ସାହା ରହିଥିବା ବେଳେ ମୁଖ୍ୟ କାର୍ଯ୍ୟ ନିର୍ବାହୀ-ଟୁକୁସେନ ଧରୁଆ ଉପସ୍ଥିତ ରହିଥିଲେ ।
ମ.ରାମପୁର ରୁ ପରମାନନ୍ଦ ବିଶିଙ୍କ ରିପୋର୍ଟ l
