ବାଲେଶ୍ଵର,୦୨/୭/୨୨ – ଗତ ତା ୦୧/୭/୨୨ ରିଖ ଶୁକ୍ରବାର ଥିଲା ଡକ୍ଟର୍ସ ଡେ (ଡାକ୍ତର ଦିବସ) । ଏହି ଅବସରରେ ବାଲେଶ୍ଵର ଜିଲ୍ଲା ଖଇରା ମେଡିକାଲର କାର୍ଯ୍ୟରତ ଡାକ୍ତର ଚନ୍ଦ୍ରକାନ୍ତ ଦାସ, ସାଇସିକନ୍ ଜେନା, ସୁବାଷ ଚନ୍ଦ୍ର ଦାସ, ପ୍ରଭାକର ମିଶ୍ର ଏବଂ ସଞ୍ଜିବା ବିଶ୍ବାଳଙ୍କୁ ସମ୍ବର୍ଦ୍ଧନା ଜଣାଇଛନ୍ତି ଖଇରା ବାସୀ । ରୋଗୀ ସେବାରେ ଖଇରା ମେଡିକାଲ ଅଞ୍ଚଳ ଓ ପଡୋଶୀ ଅଞ୍ଚଳର ଜନସାଧାରଣ ଆରୋଗ୍ୟ ଲାଭ କରୁଥିବାରୁ ଡକ୍ଟର ମାନେ ସମସ୍ତଙ୍କର ଅତି ପ୍ରିୟ ହୋଇଛନ୍ତି । ତେଣୁ ଡାକ୍ତର ମାନଙ୍କ ସେବା ଓ ବ୍ଯବହାରରେ ମୁଗ୍ଧ ହୋଇ ଖଇରା ବାସୀ ଡକ୍ଟର୍ସ ଡେ ରେ ଡକ୍ଟରଙ୍କୁ ସମ୍ବର୍ଦ୍ଧିତ କରିଛନ୍ତି । ଅଞ୍ଚଳବାସୀଙ୍କ ତରଫରୁ ବୁଦ୍ଧିରାମ ପାଣିଗ୍ରାହୀ ଓ ନିର୍ମଳ କୁମାର ଦାସ ମେଡିକାଲକୁ ଯାଇ କାର୍ଯ୍ୟରତ ଡାକ୍ତର ମାନଙ୍କୁ ଭେଟି ଉତ୍ତରୀୟ ଓ ଗୋଲାପ ଫୁଲଦେଇ ସମ୍ବର୍ଦ୍ଧିତ କରିଥିଲେ । 
ସେହିପରି ଖଇରା ଷ୍ଟେଟବ୍ୟାଙ୍କ ଛକ ନିକଟ ଡକ୍ଟର ହରେକୃଷ୍ଣ ରାଉତ ହୋମିଓପ୍ୟାଥିକ ଚିକିତ୍ସା କେନ୍ଦ୍ରକୁ ଯାଇ ଡକ୍ଟର ଶ୍ରୀ ରାଉତଙ୍କୁ ମଧ୍ୟ ଉତ୍ତରୀୟ ଓ ଗୋଲାପ ଫୁଲ ଦେଇ ସମ୍ବର୍ଦ୍ଧିତ କରିଥିଲେ । ଡାକ୍ତର ହେଉଛନ୍ତି ଦ୍ବିତୀୟ ଭଗବାନ, ଉତ୍ତମ ବ୍ଯବହାର ଓ ଉପଯୁକ୍ତ ସେବା ଦ୍ବାରା ବହୁ ରୋଗୀ ଆରୋଗ୍ୟ ଲାଭ କରିଥିବାର ଅନେକ ନଜିର ରହିଛି । ଏହିସବୁ ଦୃଷ୍ଟି କୋଣରୁ ଖଇରା ମେଡିକାଲରେ କାର୍ଯ୍ୟରତ ଡାକ୍ତର ମାନଙ୍କ ସେବାରେ ଅଞ୍ଚଳବାସୀ ବେଶ ଖୁସି ଥିବା ଖବର ସଂଗ୍ରହରୁ ଜଣାପଡିଛି । ତେଣୁ ତାଙ୍କୁ ସମ୍ବର୍ଦ୍ଧିତ କରି ତାଙ୍କର ସେବା ମନୋଭାବକୁ ଉତ୍ସାହିତ କରିବା ପାଇଁ ଅଞ୍ଚଳବାସୀଙ୍କ ଏଭଳି ଉଦ୍ୟମକୁ ସବୁ ମହଲରୁ ପ୍ରଶଂସା କରାଯାଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
