ଶିଖା
ଜଗଦୀଶ ଶତପଥୀ
ଦେଖି ଚାହିଁ ଖୋଜିରହି
ଭୁଲିହୁଏ ନିଜର ଅସ୍ତିତ୍ବ।
ଅପାରଗ ଭବିଷ୍ୟତ ତାଳିମାରେ
ଊଣକରି ପିଇ ହୁଏ ଯେତସବୁ
ଘିଅ ଆଉ ଘୃଣାର ଯାତନା !
ଯେତେପାର ପିଇନିଅ!
ଯେତେ ପାର ଶୋଷିନିଅ!
ଅର୍ଦ୍ଧଦଗ୍ଧ ଜୀବନ୍ତ ଶରୀର।
ଶିଖାପରି ଜଳିଯାଏ
ଜୀବନ ସଳିତା,ବୁକୁଫଟା ଚିତ୍କାର ର
ଦୁନ୍ଦୁଭି ଭିତରେ।
ଆଶା ସାଜେ ମରୀଚିକା
ଅହର୍ନିଶି ଗାଉଥାଏ ଜୀବନ ର ବେଦ,ଝୁମ୍ପୁଡିର ଲେଲିହାନ ଶିଖାର କନ୍ଦରେ।
ଶୁଭୁଥାଏ ଜୟଗାନ
ଆଲ୍ଲା ଇଶ୍ୱର ଏକ ହେ,
ସବ୍ ତୁମ୍ ହୋ ଭଗବାନ।
କିଏବା ପଚାରେ ଦୀପ ତୁ କେମିତି ଜଳୁଛୁ,
ଆଲୋକିତ କରିଚାଲୁ ନଛୋଡ ଭଂଗିରେ।
ଶିଖା କିନ୍ତୁ ଦେଉଥାଏ ଆଲୋକ ବର୍ଣ୍ଣିକା, ଅବୁଝା ଇଶ୍ୱର ପରି।
ଧର୍ମଶାଳା, ଯାଜପୁର
