Uncategorizedଶ୍ଯାମା ପ୍ରସାଦ୍ ବୋଷ୍ ଙ୍କ କବିତା ପ୍ରତିକୂଳ by Sunil Chandra NayakJuly 15, 2022080 Share0 ପ୍ରତିକୂଳ ଶ୍ଯାମା ପ୍ରସାଦ୍ ବୋଷ୍ ପ୍ରତିକୂଳ ସ୍ଥିତି ଜୀବନର ଗତି ଆୟୁଷ ର ସାଥେ ଚଳି ସମୟ ସ୍ରୋତରେ ଧାବମାନ ହୁଏ ଜୀବନ ଜୀବିକା କଳି । ପ୍ରତିକୂଳ ସ୍ରୋତେ ସରବେ ଚଳନ୍ତି ସ୍ରୋତର ନିୟମ ମାନି ପ୍ରକୃତି ନିୟମ ହୁଏ ନାହିଁ ବାମ ପ୍ରତିକୂଳ ନିଏ ଟାଣି । ପ୍ରତିକୂଳେ ବଢି ପରିବେଶ ଗଢି ପ୍ରକୃତି କରିଛି ଦାନ ଜୀବ ଜଗତ କୁ ଦେଇଛି ସୁରକ୍ଷା ବଢାଇ ତାହାର ମାନ । ପ୍ରତିକୂଳ ସାଥେ ଏ ଜୀବ ଜୀବନ ବୟସ ସୋପାନେ ଯାଇ ଶିଶୁ ରୁ କୈଶ୍ବର ଯୁବା ବୃଦ୍ଧାବସ୍ଥା ପ୍ରତିକୂଳେ ଥାଏ ପାଇ । ଏ ସାରା ସଂସାର ପ୍ରତିକୂଳ ଦେଇ ଗତି କରୁଥାଏ ପରା ସୃଷ୍ଟିର ନିୟମେ ସବୁ ଧରା ବନ୍ଧା ପ୍ରତିକୂଳେ ଦିଏ ଧରା । ଶ୍ଯାମା ପ୍ରସାଦ୍ ବୋଷ୍ ବେଗୁନିଁଆ , ମଲ୍ଲୀକ୍ ସାହି ଗୋପ୍ , ପୁରୀ