ଦିନେ ତୁମେ ଫେରିବ
ଚକ୍ରବାଳୁ ଉଇଁ ଆସ ତୁମେ ମୋର
ଶୁଭ ଶୁକ୍ରତାର।
ଲକ୍ଷେ ନକ୍ଷ୍ଷତ୍ରର ରାତ୍ରୀ ଆମ ପାଇଁ
ହୁଅନ୍ତା ନିଆରା ।
ତରଳନ୍ତା ତନୁତାପ ତରଙ୍ଗିତ
ଅଜସ୍ର ସ୍ୱପ୍ନର
ଆଙ୍କନ୍ତେ ଆରବ୍ୟ ରାତ୍ରୀ ଇନ୍ଦ୍ର ପ୍ରସ୍ତ ଜନ୍ମ ଜନ୍ମ।ନ୍ତର ।
ସଜାଡନ୍ତେ ସ୍ମୃତି ସବୁ ସୀମାହୀନ
ସମୟ ଢେ଼ଉରେ
ଚୁଲବୁଲି ଚଇତି ଚୁମା ଦେଉଥାନ୍ତି
ତୁମ ଚିବୁକରେ ।
ଚ।ପୁଥାନ୍ତ ଚନ୍ଦ୍ରଭାନୁ ତନୁରେ ମୋ
ରେଶମୀ ଚିକୁର
ଉଷ୍ଣ ତାର ସ୍ୱେଦ ବିନ୍ଦୁ ସତେ ଅବା
ସକାଳ ଶିଶିର ।
କନକ ଚମ୍ପାର ବାସ୍ନା ମହକାନ୍ତ।
ମଧୁଶାଳା ରାତି
ଦିନେ ତୁମେ ଫେରିବ ଏ ବିଶ୍ୱାସ
ମୃତ୍ୟୁ ଯାଏ ଅଛି ।
କାଙ୍ଗାଳି ଚରଣ ସେଠୀ
ଅବସର ପ୍ରାପ୍ତ ବରିଷ୍ଠ ଶାଖା ପରିଚାଳକ
ଓଡ଼ିଶା ଗ୍ରାମ୍ୟ ବ୍ୟାଙ୍କ , ଯାଜପୁର ରୋଡ଼