ଡାବୁଗାଁ, ୨୩/୮ ନବରଙ୍ଗପୁର ଜିଲା ଡାବୁଗାଁ ଅଞ୍ଚଳରେ ଗତ କିଛି ଦିନ ହେଲା ଏକ ପାଗଳ କୁକୁର ଆତଙ୍କ ଖେଳାଇଛି । ସୋମବାର ଦିନ ସକାଳ ସମୟରେ ବିକାଶ ହରିଜନ (୨୪) ଙ୍କୁ କାମୁଡି ଥିଲା ପରେ ରାତ୍ରି ରେ ସନପତ ପନକା (୫୦) ଙ୍କୁ କାମୁଡି ଥିଲା । ଆଜି ମଙ୍ଗଳବାର ସକାଳ ସମୟରେ ରାଇସିଂ ପୂଜାରୀ (୪୯) , ନନ୍ଦିନୀ ଭତ୍ରା (୯) ଙ୍କୁ କାମୁଡିବା ପରେ ଡାବୁଗାଁ ସ୍ଥିତ ଡଙ୍ଗରଗୁଡା ସାହି ର ଏକ ୬ ବର୍ଷ ର ଶିଶୁ ସୋମନାଥ ଗୌଡ଼ (୬) ଗାଧୋଉଥିବା ସମୟରେ ଶିଶୁ କୁ ଆକ୍ରମଣ କରି ତାହାର ମୁହଁ ରେ କାମୁଡିଥିଲା ପରେ ସେହି ଗ୍ରାମର ରୂପଧର କୁକୁର କବଳରୁ ଶିଶୁକୁ ରକ୍ଷା କରିଥିଲା | ପରେ ଶିଶୁ କୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନିଆ ଯାଇଥିଲା | ସେଠାରେ ଶିଶୁଟିର ଅବସ୍ଥା ଗୁରୁତର ଥିବାରୁ ଡାକ୍ତର ପ୍ରଣବ ସ୍ଵର୍ଣ୍ଣକାର ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରିଥିଲେ । ପାଗଳ କୁକୁର ଦିନକୁ ଦିନ ନିଜର କାୟା ବିସ୍ତାର କରୁଥିବାରୁ ଡାବୁଗାଁ ଅଞ୍ଚଳରେ ଭୟ ର ବାତାବରଣ ସୃଷ୍ଟି ହୋଇଛି ।
ପ୍ରଜ୍ଞାରଞ୍ଜନ ପରିଡା, ଡାବୁଗାଁ