ତେନ୍ତୁଳିଖୁଣ୍ଟି 04/09/22 ପୁଅର ବଙ୍କା ଓ ଫୁଲିଥିବା ଗୋଡ଼ର ଚିକିତ୍ସା ପାଇଁ ଭତ୍ତା କାର୍ଡ ଓ ରାସନ କାର୍ଡ ବନ୍ଧକ ରଖିଥିଲା ମାଆ । କିଛି ଏଭଳି ଅଭିଯୋଗ ପରେ ସକ୍ରିୟ ହେଲା ପ୍ରଶାସନ ।ଜିଲ୍ଲାର ତେନ୍ତୁିଖୁଣ୍ଟି ବ୍ଲକ ଅନ୍ତର୍ଗତ ଗାଦବାଗୁଡ଼ା ଗ୍ରାମର ୭୦ ବର୍ଷୀୟ ବୃଦ୍ଧା ସୁଲୋଚନା ଖୁରା ନିଜ ପୁଅର ଭଙ୍ଗା ଗୋଡ଼ ର ଚିକିତ୍ସା ପାଇଁ ସମ୍ବଳ ଅଭାବ ରୁ ନିଜ ପୁଅ ର ରାସନ କାର୍ଡ କୁ ୮ ହଜାର ଟଙ୍କା ରେ ଓ ନିଜ ଭତ୍ତା କାର୍ଡ କୁ ୬ ହଜାର ଟଙ୍କା ରେ ବନ୍ଧକ ରଖିଥିବା ଅଭିଯୋଗ ହୋଇଥିଲା ସମ୍ବଳ ଅଭାବ ରୁ ପୁଅ ଏବେ ଶଯ୍ୟାଶାୟୀ । ଆଜି ବିଡ଼ିଓ ଦୁର୍ଯୋଧନ ଭୋଇ ନୟନ ପରିବାର ନିକଟରେ ପହଁଚି ତାକୁ 5 ହଜାର ଟଙ୍କା ଦେବା ସହ ତାକୁ ଚିକିତ୍ସା ପାଇଁ ଭୁବନେଶ୍ବର ପଠାଇବା ବ୍ୟବସ୍ଥା କରିଛନ୍ତି। ଦିନେ 2 ଦିନ ମଧ୍ୟରେ ଚିକିତ୍ସା ପାଇଁ ନିଆଯିବ ନୟନକୁ। ବି ଏସ ଏସ ଓ ରବିନ୍ଦ୍ର ସାହୁ ଗ୍ରାମରେ ପହଞ୍ଚି ସାନିଆ ସାହୁଙ୍କ ଠାରୁ ପେନସନ କାର୍ଡ ଉଦ୍ଧାର କରି ସୁଲୋଚନା ଙ୍କୁ ଦେଇଛନ୍ତି। ଖବର ପ୍ରକାଶ ପରେ ଚିକିତ୍ସା ପାଇଁ ପ୍ରଶାସନ ବ୍ୟବସ୍ଥା କରିବା ଯୋଗୁଁ ଆନନ୍ଦିତ ହୋଇଛନ୍ତି ମା ସୁଲୋଚନା।
ଗୋବର୍ଦ୍ଧନ ସାହୁ,ତେନ୍ତୁଳିଖୁଣ୍ଟି
