ଲାଞ୍ଜିଗଡ଼,୧୬/୦୯(ମନିସ)- ଲାଞ୍ଜିଗଡ଼ ବ୍ଲକ କଂଗ୍ରେସ ତରଫରୁ ଏକ ପ୍ରତିନିଧି ଦଳ ଆଜି ବ୍ଲକର ଲାଖବାହାଲି ଓ ବନ୍ଧପାରି ଗ୍ରାମପଞ୍ଚାୟତର ବିଭିନ୍ନ ଅଞ୍ଚଳ ପରିଦର୍ଶନ କରି ସ୍ଥାନୀୟ ଲୋକଙ୍କ ସହିତ ଅଞ୍ଚଳର ବିଭିନ୍ନ ସମସ୍ୟା ସଂପର୍କରେ ଆଲୋଚନା କରିଛନ୍ତି ! ଲାଞ୍ଜିଗଡ଼ ବ୍ଲକ କଂଗ୍ରେସ ପକ୍ଷରୁ ଯୁବନେତା ଚାଞ୍ଚେର ମାଝୀ, ବ୍ଲକ କଂଗ୍ରେସ ସଭାପତି ହରିହର କୁମାର, ଫୁଲକା ନାଏକ ପ୍ରମୁଖ ପ୍ରଥମେ ଲାଖବାହାଲି ଗସ୍ତ କରିବା ସହିତ ସେଠାରେ ଲୋକଙ୍କ ବିଭିନ୍ନ ସମସ୍ୟା ସଂପର୍କରେ ଆଲୋଚନା କରିଥିଲେ ! 
ଏହାପରେ କଂଗ୍ରେସ ପ୍ରତିନିଧି ଦଳ ବନ୍ଧପାରି ଗ୍ରାମପଞ୍ଚାୟତର ରାଜେନ୍ଦ୍ରପୁର ସମେତ ଅନ୍ୟାନ୍ୟ ଅଞ୍ଚଳ ଗସ୍ତ କରି ସ୍ଥାନୀୟ ସମସ୍ୟା ସଂପର୍କରେ ଅବଗତ ହୋଇଥିଲେ ! ଆଗାମୀ ଦିନରେ ଦଳ ତରଫରୁ ଜନ ସମସ୍ୟାର ସମାଧାନ ପାଇଁ ଜନଆନ୍ଦୋଳନ ପାଇଁ ନିଷ୍ପତ୍ତି ନିଆଯାଇଥିବାବେଳେ ତା’ ପୂର୍ବରୁ ଦଳର କର୍ମକର୍ତ୍ତାମାନେ ବିଭିନ୍ନ ଦୁର୍ଗମ ଅଞ୍ଚଳ ଗସ୍ତ କରୁଥିବା ଜଣାପଡ଼ିଛି !
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
