ମ.ରାମପୁର:୨୬/୯(ମସୀହା): ଚଳିତ ବର୍ଷ ଓଡ଼ିଶାର ଜଣେ ମାତ୍ର ତଥା ପଶ୍ଚିମ ଓଡ଼ିଶାର ପ୍ରଥମ ଡ଼ାକ୍ତର ଭାବରେ ଯୁବ ଡ଼ାକ୍ତର ଲୋକନାଥ ସାହୁଙ୍କୁ ମିଳିଛି ସମ୍ମାନ ଜନକ ୟୁଥ୍ ଚେଂଜ ମେକର ଆୱାର୍ଡ଼ ୨୦୨୨ । କଳାହାଣ୍ଡି ତଥା କନ୍ଧମାଳ ଜିଲ୍ଲା ଅଂଚଳର ଆଦିବାସୀ ଅଧ୍ୟୁଷିତ ତଥା ମାଓପ୍ରବଣ ଇଲାକାରେ ସ୍ୱାସ୍ଥ୍ୟ ସେବାକୁ ଗୁରୁତ୍ୱ ଦେବା ସହିତ ଆନ୍ତରିକତା ର ସହିତ ନିଜର ଏହି ସେବା ଜାରି ରଖିଥିବା କାରଣରୁ ବିଇଙ୍ଗ ଏବଂ ବିକମିଙ୍ଗ ଅନୁଷ୍ଠାନ ଇମା ( ଇଣ୍ଡଆନ ମେଡ଼ିକାଲ ଆସୋସିଏସନ୍) 
ତଥା ଜୁନିଅର ଡ଼କ୍ଟର୍ସର୍ ନେଟୱାର୍କ ତରଫରୁ ଚଳିତ ବର୍ଷ ଓଡ଼ିଶାର ଶ୍ରେଷ୍ଠ ଚିକିତ୍ସକ(ପଶ୍ଚିମ ଓଡ଼ିଶାରୁ ପ୍ରଥମ) ଭାବରେ ଏହି ସମ୍ମାନ ପାଇ ଅଂଚଳ ପାଇଁ ଗୌରବ ଆଣିଦେଇଛନ୍ତି । ଡ଼ାକ୍ତର ସାହୁ ରାଜ୍ୟସଭା ସଦସ୍ୟ ସୁଲତା ଦେଓ, ମୋ କଲେଜର ଅଧ୍ୟକ୍ଷ ତଥା ବିଧାନସଭା ସଦସ୍ୟ ଆକାଶ ଦାସ ନାୟକ,ପୂର୍ବତନ ରାଜ୍ୟସଭା ସାଂସଦ ପ୍ରଭାସ ସିଂ, ଡ଼ିଏମଇଟିର ଉପାଧ୍ୟକ୍ଷ ଡ଼ଃ ବ୍ରଜ ଦାସଙ୍କ ପାଖରୁ ଏହି ସମ୍ମାନ ଗ୍ରହଣ କରିଥିଲେ । ଡ଼ାକ୍ତର ଶ୍ରୀ ସାହୁଙ୍କ ନିଜ ଘର ମ.ରାମପୁର ବ୍ଲକର ପଣ୍ଡକାମାଲ ପଂଚାୟତ ତୁଜୁଙ୍ଗରେ ହେଇଥିବା ବେଳେ ସେ ବର୍ତ୍ତମାନ ମଦନପୁର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ କର୍ତ୍ତବ୍ୟ ରତ ଅଛନ୍ତି l
ମ. ରାମପୁରରୁ ପରମାନନ୍ଦ ବିଶି ଙ୍କ ରିପୋର୍ଟ
