ଧର୍ମଗଡ:୩୦/୮/୨୨: କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ଅନ୍ତର୍ଗତ ଛିଲୀପା ଗାଁ ଠାରେ ଥିବା ମାଁ ଦୁଆରସନି ଙ୍କ ନବ ରାତ୍ର ଦଶହରା ପୂଜା ପାଇଁ ସମଗ୍ର ଗାଁ ଏବେ ଚଳ ଚଞ୍ଚଳ ହୋଈ ଉଠିଛି । ଗତ ଦୁଇ ବର୍ଷ ହେଲା କରୋନା କଟକଣା ଯୋଗୁଁ ମା ଙ୍କ ପୂଜା କେବଳ ପ୍ରତୀକାତ୍ମକ ଭାବେ କରା ଯାଇଥିବା ବେଳେ ଚଳିତ ବର୍ଷ ଧୁମ ଧାମ ରେ ପରମ୍ପରା ଅନୁଯାୟୀ କରାଯାଉଛି । 
ମହାଳୟା ଠାରୁ ଆରମ୍ଭ ହୋଇ ଥିବା ମାଁ ଦୁଆରସନି ଙ୍କ ଦଶହରା ଯାତ୍ରା ର ବିଭିନ୍ନ ଦିନ ମାନଙ୍କ ରେ ମାଙ୍ଗଳିକ ପୂଜା, ଋଖା ସ୍ଥାପନ, ଚତୁର୍ଥୀ ରେ ଦେବୀ ପୀଠ ରେ ଖଣ୍ଡା ବସା ପରେ ପଞ୍ଚମୀ ଠାରୁ ସପ୍ତମୀ ପର୍ଯ୍ୟନ୍ତ କଳ୍ପ ପୂଜା ଜାରି ରହିବ । ମହାଷ୍ଟମୀ ଦିନ ମାଁ ଙ୍କ ସନ୍ଧି ପୂଜା ସହ ଗ୍ରାମ ନିକଟସ୍ଥ ଜେନାବଳି ପାହାଡ ରେ ଡଙ୍ଗର ଚଘା ଉତ୍ସବ ହେବ । ମଧ୍ୟ ରାତ୍ର ରେ ଜେନା ଖାଲ ଠାରେ ବଳୀ ଦିଆଯାଇ ନବମୀ ଦିନ ଜେନା ଖାଲ ନିକଟରୁ ମାଁ ଙ୍କ ମନ୍ଦିର କୁ ଛତର ଯାତ୍ରା ଅନୁଷ୍ଠିତ ହେବ । 
ଗ୍ରାମ ର ଝାଙ୍କର ଅଞ୍ଜଳି ମାଝୀ ଓ ଜେନା ପୂଝାରୀ ପୂର୍ଣ୍ଣ ଚନ୍ଦ୍ର ମାଝୀ ମାଁ ଙ୍କ ପୂଜା ରେ ନିୟୋଜିତ ହୋଇଛନ୍ତି । ଛତର ଯାତ୍ରା ସହ ଦୁଆରସନି ଙ୍କ ନବଦିନାତ୍ମକ ଦଶରା ଯାତ୍ରା ସମ୍ପନ୍ନ ହେବ ବୋଲି ଆୟୋଜକ କମିଟି ର ସଭାପତି ଟିକେ ରାମ ମାଝୀ ଓ ସମ୍ପାଦକ ଉଛବ ସା ସୂଚନା ଦେଇଛନ୍ତି । ଏହି ଅବସର ରେ ବିଭିନ୍ନ ଦିନ ମାନଙ୍କ ରେ ସାଂସ୍କୃତିକ କାର୍ଯ୍ୟକ୍ରମ ସହ ନାଟକ ପରିବେଷଣ କରାଯାଇ ଥିଲା । ଆସନ୍ତା ଦୁଇ ତାରିଖ ଦିନ କଳାହାଣ୍ଡି ର ବିରବାଦ୍ୟ ଘୁମୁରା ପ୍ରତିଯୋଗିତା କାର୍ଯ୍ୟକ୍ରମ ରହିଥିବା ଆୟୋଜକ କମିଟି ର ଉପ ସଭାପତି ପଦ୍ମଲୋଚନ ପଟେଲ ସୂଚନା ଦେଇଛନ୍ତି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
