ଥୁଆମୂଳ ରାମପୁର:୩/୧୦- (ମନିସ) ଆଜି ଦୁଇ ଟି ମୋଟର ସାଇକେଲ ମୁହାଁମୁହିଁ ଧକ୍କା ହେବାଫଳରେ ୨ ଜଣ ଗୁରୁତର ୩ ଜଣ ଆହତ ହୋଇଥିବା ଜଣାପଡିଛି। ସୂଚନା ଅନୁସାରେ ଜଣାପଡିଛି ଯେ, ପୁରୁଷୋତ୍ତମ ମାଝୀ, ଦେବନ୍ଦ୍ର ନାଏକ ଦୁଇଜଣ ମୋଟର ସାଇକେଲରେ ଥୁଆମୂଳ ରାମପୁର ଠାରୁ ନିଜ ଗାଁ ତଲଝାପିକୁ ଫେରୁଥିବା ବେଳେ ଅଶ୍ବିନୀ ନାଏକ, ଡିଭିଜନ୍ ନାଏକ ଓ ଟଙ୍କଧର ନାଏକ ଲାଠିଆଗୁଡା ଗ୍ରାମରୁ ମୋଟର ସାଇକେଲରେ ଯୋଗେ କାଠକୁରା ଗ୍ରାମକୁ ଆସୁଥିବା ସମୟରେ ଥୁଆମୂଳ ରାମପୁର କାଶୀପୁର ମୂଖ୍ଯ ରାସ୍ତା କାଠକୁରା ଗ୍ରାମ ନିକଟରେ ଦୁଇଗୋଟି ମୋଟର ସାଇକେଲ ମୁହାଁମୁହିଁ ଧକ୍କା ହେବାଫଳରେ ୨ ଜଣ ଗୁରୁତର ଓ ୩ ଜଣ ଆହତ ହୋଇଥିଲେ। ସେମାନଙ୍କୁ ଘଟଣା ସ୍ଥଳରୁ ଉଦ୍ଧାର କରି ଥୁଆମୂଳ ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଥିଲା। ଚିକିତ୍ସା ସମୟରେ ଟଙ୍କଧର ନାଏକ ଓ ଦେବେନ୍ଦ୍ର ନାଏକ ଉଭୟଙ୍କ ଦେହବସ୍ଥାରେ ଉନ୍ନତି ନ ହେବାରୁ ଦୁଇଜଣଙ୍କୁ ଅଧିକ ଚିକିତ୍ସା ପାଇଁ ଭବାନୀପାଟଣା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି
ଥୁଆମୂଳ ରାମପୁର ବ୍ଲକରୁ ବଳଭଦ୍ର ବାଗଙ୍କ ରିପୋର୍ଟ
